Trafikoa

Ireki dute A-15 errepidea, goizean itxita egon ostean

Bi kamioik eta lau autok elkar jo dute Gorritin izan den istripu batean. Izotzak eragin du.

A-15 errepidea, atzo, Etzegaraten (Gipuzkoa). Jon Urbe / Foku Tamaina handiagoan ikusi

2023ko urtarrilak 24

Tenperatura hotza izango da gaur ere, eta horrek errepide sare nagusiari eragingo dio oraindik. Gaur goizean, 05:00 aldera, istripu handi bat izan da Gorriti parean (Nafarroa), A-15 errepidean: kamioi batek erdibitzailea jo du, eta beste kamioi batek eta lau autok jo dute elkar jarraian. Bi lagun zauritu dira. Ustez, izotzak eragin du istripua. Hori dela eta, itxita egon da errepidea; 09:30 aldera ireki dute lerro bat, eta 10:00ak aldera errepide osoa.

"eu">âÂ¹ï¸Â #A15 errepidea guztiz IREKITA.

âÂ¹ï¸Â A-15 carretera ABIERTA en su totalidad.#Andoain #Trafikoa
— Trafiko (@trafikoaEJGV) January 24, 2023

Gaurko ez dira prezipitazio ugari espero, baina tenperatura hotzak direla-eta arretaz ibiltzeko eskatu dute erakundeek, nagusiki, izotzagatik. Ipar haizea izango da egun osoan, eta elur kota 300-500 metroan izango da, arratsaldean goraxeago. Gauean hainbat tokitan erregistratu dituzte zero azpiko tenperaturak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna