Albistea entzun

Ezbeharra

Etxegabe bat hil da Bilboko Bolueta auzoan, haren etxolak su hartuta

Gizonezko bat zen, 70 urte ingurukoa, eta bizi zen kartoizko eta egurrezko etxolak su hartuta hil da, astearte arratsaldean.

Etxegabeen egoera salatzeko pankarta bat, Donostian
Etxegabeen egoera salatzeko pankarta bat, Donostian Gorka Rubio/ Foku Tamaina handiagoan ikusi

Ion Orzaiz -

2023ko urtarrilak 25 11:02

70 bat urteko gizonezko bat hil da astearte arratsaldean Bilboko Bolueta auzoan, haren kartoizko eta egurrezko etxolak su hartuta. Eusko Jaurlaritzaren Segurtasun Sailak jakinarazi duenez, sutea 18:10ean piztu da, Bilbo eta Galdakao arteko N-634 errepidean dagoen McDonald’s janari lasterreko establezimenduaren ondoan.

Suhiltzaileen eta larrialdi zerbitzuen arabera, sua oso azkar zabaldu da, eta ordu horretan jatetxean ziren zenbait bezero saiatu dira garrak itzaltzen, horretarako su itzalgailuak erabilita. Haraino bertaratu dira suhiltzaileak, eta, sua itzalita, biktimaren gorpua topatu dute, etxolaren hondakinen artean. Zantzu guztien arabera, gizona kartoi horien artean lo zegoen, sua piztu denean.

Duela urtebete, 2022ko urtarrilaren 2an, beste etxegabe bat hil zen Bilbon: 40 urteko emakumezko bat, gaua Zabalgune plazan eman ostean; eta egun batzuk lehenago, gizonezko bat zendu zen Irunen. «Politika publiko eraginkorrak» galdegin dituzte eragile sozialek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiru lagun Lezetxikin, urtarrilaren 28an, AHTaren tunela atzean dutela. ©Besaide mendi elkartea

AHTaren tunel bat Lezetxiki barruan egin dutela salatu dute

Paulo Ostolaza

Euskal Herriko giza aztarnarik zaharrenak topatu diren lekua da Arrasaten (Gipuzkoa) dagoen kobazulo hori. Arrasate inguruko espeleologia zaleen talde batek egin du salaketa.

Maite Peña Gipuzkoako Gizarte Politikako diputatua, artxiboko irudi batean. ©BERRIA

Nazioartean bilatzen ari dira Donostian «lapurturiko» umea

Berria

Foru Aldundiaren tutoretzan ordu batzuk zeramatzanean eraman zuten haurra. Ama biologikoak eraman zuela uste dute

Eraso homofobo bat salatzeko elkarretaratzea, artxiboko irudi batean. ©Marisol Ramirez / Foku

Eraso homofobo bat salatu dute Barakaldon

Berria

Barakaldoko Udalak jakinarazi du asteburuan izan zela erasoa. Elkarretaratze bat egingo dute bihar.

Bidaiari batzuk, Donostiako autobus geltokian. ©GOTZON ARANBURU

Ibilbide luzeko autobusak doakoak dira jada Hego Euskal Herrian ohiko bidaiarientzat

Jone Arruabarrena

Bidaiariek fidantza bat ordaindu beharko dute, eta gutxieneko bidaia kopuru bat egiten dutenean itzuliko zaie dirua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.