'De Miguel auzia'

Gorenak zigorra murriztu dio 'De Miguel auziagatik' epaitutako zinegotzi ohi bati

Iñaki San Juan Leioako Udalean EAJko zinegotzi izandakoak espetxera joateko aukera gutxiago izango ditu Espainiako Auzitegi Gorenaren erabakiarengatik.

Espainiako Auzitegi Gorenaren artxiboko irudia. EFE Tamaina handiagoan ikusi

Berria -

2023ko martxoak 2

De Miguel auziagatik zigortuta dago Iñaki San Juan Leioako Udalean EAJko zinegotzi izandakoa, baina Espainiako Auzitegi Gorenak haren zigorra murriztea erabaki du. Orain, Gorenak bi urteko espetxe zigorra ezarri dio diru publikoa bidegabe erabiltzeagatik, eta bederatzi hilabete eta egun batekoa dokumentuak faltsutzegatik. Bi zigor horiei dagokien kartzelaldia bi urte baino gutxiagokoa denez, baliteke San Juan espetxera ez joatea. Haren egoera berean zegoen Josu Azkarraga Leioako Udalean EAJko zinegotzi izandakoa —De Miguel auziagatik zigortu zuten—, eta hari epaileek egindako murrizketa bera egin diote San Juani.

Alfredo de Miguel Arabako foru diputatu eta EAJko Araba Buru Batzarreko arduradun izandakoaren kide zen San Juan, Errexal enpresan. Ustelkeriagatik epaitu dituzte San Juan, De Miguel eta EAJko beste hainbat kide.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut