Albistea entzun

Mendia

Annapurnan geldituko da Iñaki Otxoa Olza mendizalearen gorpua

Iñaki Otxoa Olzaren azken nahia beteko dute familiarrek. Gorpua Annapurnan geldituko da eta hileta elizkizuna igandean ospatuko dute Iruñean. Erreskate lanetan zebiltzan 14 mendizaleak Annapurnatik jaistea da orain lehentasuna. Annapurnan elur erauntsia dago eta pareta arriskutsua bihurtu da erreskatean dabiltzanentzat.
Iñaki Otxoa Olza zena.
Iñaki Otxoa Olza zena.

Berria -

2008ko maiatzak 23
=lIñaki Otxoa Olza==http://www.navarra8000.com/navarra8000-15-04-04.html=l mendizalearen (Iruñea, 1967) familiak haren bizitza filosofiari jarraipena ematea du helburu. Gorpuaren erreskatearekin ez jarraitzeko eskatu diete mendizaleei Iñaki Otxoa Olzaren senideek. Elur erauntsia dela eta, bizia arriskuan dute erreskate lanetan dabiltzan 14 mendizaleek. Bestalde, Iñaki Otxoa Olzaren hileta elizkizuna igandean izango da Iruñeako San Migel Elizan, arratsaldeko seietan. Iñaki Otxoa Olza hil egin da gaur goizean, 8:45ean (12:30ak ziren Nepalen), bost egunez Annapurna (8.091 metro) mendian 7.400 metrora ondoezarekin egon ondoren. Astelehenetik ia korderik gabe egon da. Lehen zantzuen arabera, burmuineko eta biriketako edemak zituen. Horretaz gain, ezkerreko hatz batzuk izoztuta zeuzkan. Astelehenean, Annapurnako gailurrari uko egitea erabaki -ehun metrora gelditu ziren- eta beherazko bidea hartu zuenean, ondoez handia izan zuen. Gorako eta ezkul kolpe handiak izan ditu. Horia Colibasanu errumaniarrarekin egon da astelehenetik han, eta atzo Ueli Steck suitzarra iritsi zen hara, botikekin. Steck heldu zenean beherako bidea hartu zuen Colibasanuk, honek ere osasun arazoak zituelako. Denis Urubko kazakhstandar eta Don Bowie kanadarra ere hura dagoen lekura bidean jarriak ziren, salbamenduan laguntzeko. Orain Annapurna jaisten hasi dira, zendutako mendizalearen senideek hala eskatuta. Iruñean salbamendu lanak koordinatzen aritu da mendizale eta mediku talde bat. Taldeko koordinatzaile Koldo Aldazek atzo zioenez, iritsitakoan eman zizkion Steckek Otxoa Olzari lehenengo botikak. "Stecken bidez jakingo dute medikuek Otxoa Olza nola dagoen, eta medikuek esango diote une oro suitzarrari zer eman eta nola", azaldu zuen Aldazek. Zortzi mila metrotik gorako hamalau gailurretatik hamabi eginak zituen Otxoa Olzak. Iazko apirilean lortu zuen hamabigarrena: Dhaulagiri (8.172 metro). Annapurna eta Kangchenjunga falta zitzaizkion. Nafarroako Parlamentuak doluminak helarazi dizkio sendiari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Realeko jokalariak burumakur, Real Madrilek bigarren gola sartu eta gero. ©JAVIER ETXEZARRETA / EFE

Biguntasuna ordaindu du

Ainara Arratibel Gascon

Lehen zati amaiera on baten ostean, Realak bi gol jaso ditu bigarren zatiaren hasieran, atzean gaizki zaindutako bi jokalditan. Ezin izan du suspertu. Txuri-urdinek hirugarren porrota kateatu dute

Osasunako Jon Moncayola erremate bat egin nahian, Elxeko Fidel Chaves aurrean duela. ©IÑIGOI URIZ / FOKU

Aingura jaso nahian

Eñaut Agirrebengoa

Osasuna Levanteren zelaian irabazten saiatuko da gaur, garaipenik gabeko sei lehia kateatu ondoren. Kike Garciaren hutsunea izango du

Jaka-Mariezkurrena II.a garaipena ospatzen. ©IÑIGO URIZ / FOKU

Eutsi dionak lortu du garaipena

Jon Ander De la Hoz

Jaka-Mariezkurrenak II.ak 22-21 irabazi diete Laso-Imazi, Binakako Txapelketako hirugarren jardunaldian. Ikusgarria izan da lehia amaiera

Lucia Garcia Athleticekoa eta Andrea Pereira Bartzelonakoa, lehian. ©LA LIGA

Bigarren zatira arte eutsi ahal izan dio Athleticek Bartzelonari (4-0)

Ainara Arratibel Gascon

Zuri-gorriak ondo aritu dira aurreneko zatian defentsan. Reala, Alaves eta Eibar, gaur

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.