Albistea entzun

Politika

Espainiako Auzitegi Gorenak legez kanpo utzi du ANV

1930ean sortutako alderdi politikoa desegiteko agindua eman du, baita haren ondasun denak kentzeko ere. Gorena atzo hasi zen defentsaren alegazioak aztertzen eta gaur eman du epaia. Kasu egin die Estatuaren abokatuaren eta fiskalaren eskaerei. Hauek bi argudio nagusi erabili dituzte ANVren aurka: Batasunari laguntza eta sostengu politiko-instituzionala ematea, eta Batasunarekin lotura finantza-ekonomikoa izatea. Auzitegia bihar hasiko da aztertzen EHAKren kontrako legez kanporatzeko auzia.

Berria -

2008ko irailak 16
Espainiako Auzitegi Gorenak EAE-ANV legez kanpo uzteko epaia atera du gaur, eta alderdi politiko hura desegiteko agindua eman du, baita haren ondasun denak kentzeko ere. Irailean egin zuten ANVri buruzko auzi saioa, eta honek ostegunean aurkeztu zituen alegazioak. Baltasar Garzon Espainiako Auzitegi Nazionaleko epaileak otsailaren 8an ANVren -eta EHKAren- jarduerak eten zituen. Iazko udal eta foru hauteskundeetan ANVko kide gisa hautatu zituzten zinegotziek, batzarkide eta alkateek, otsaileko ebazpenetik bezala, ez dute kargu publikoa galduko, baina oso murriztua izango dute jarduera. Legez kanpo uzteko eskaera egina zuten Espainiako Estatuaren abokatuak eta Fiskaltzak. Goreneko 61eko sala atzo hasi zen aztertzen EAE-ANVko defentsaren alegazioak eta gaur eman du epaia. Hamasei magistratuek aho batez hartu dute erabakia, eta Francisco Jose Hernando Goreneko presidenteak eguerdian esan du epaia bera hurrengo egunetan argitaratuko dutela -ohikoa ez den bezala, prentsaurrekoa eman du-. Estatuaren abokatuak eta fiskalak bi argudio nagusi erabili dituzte ANVren aurka: batetik, Batasunari laguntza eta sostengu politiko-instituzionala ematea, eta, bestetik, Batasunarekin lotura finantza-ekonomikoa izatea. Alderdia legez kanporatzeko auzian frogak praktikatzeko saioek frogarik eza agerian uzteko balio izan dute, defentsak azken alegazioetan nabarmendu zuenez. Kasu batzuetan, Estatuko abokatuak eta fiskalak onartu egin zuten euren aurkeztutako frogen baliorik eza, azken alegazioetan horien aipamenik ez zutelako egin. Defentsaren iritziz, akusazioek argudiatutako jarduera batzuk ez dira nahiko frogatu legez kanporatzeko motiboekin loturarik izan dezaketenik -AHTren kontrako kanpainak eta Demokrazia Zero lelokoa, esaterako-. Beste kasu batzuetan, "akreditatu ez diren gertaeretan" oinarritzen dira -Batasuna eta bere kideak finantzatzeko akusazioaren kasuan-. Beste batzuek ez dute zerikusirik legez kanporatzeko prozesuarekin. Beste jarduera batzuk, salbuespenak edo kasu isolatuak dira, eta beste zenbait "askatasun ideologikoaren eta adierazpen askatasunaren babespean" daude. 1930ean sortu zuten Eusko Abertzale Ekintza EAE-ANV alderdia. Ordezkaritza esanguratsua izan zuen Errepublika garaian eta modu aktiboan hartu zuen parte Espainiako Gerran. Jose Antonio Agirre lehendakari zuen lehen Eusko Jaurlaritzako kide izan zen. 2007an udal eta foru hauteskundeetan izan zen; ez leku denetan, haren hainbat zerrenda baliogabetu egin zituelako Espainiako Justiziak. EHAKri buruzko auzi saioa ere egin zuten irailean, eta alderdi horrek atzo aurkeztu zituen alegazioak. Auzitegi Goreneko 61. sala berezia bihar hasiko aztertzen EHAKren kontrako legez kanporatzeko auzia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasuko gazteen aldeko horma irudi bat. ©Idoia Zabaleta / Foku

Estrasburgok ez du aintzat hartu Altsasuko auziko gazteen eskaera

Berria

Zigortutako gazteetako batek jakinarazi du erabakia sare sozialetan.

Sortuko zenbait militanteren agerraldia, ETAren jarduera armatuaren 10. urteurrenaren harira. ©JAGOBA MANTEROLA / FOKU

Sortuko kideek Nazio Kontseilurako hautagaiak bozkatuko dituzte gaurtik

Jon O. Urain

Nazio Kontseilua osatzeko hamar hautagaien berri eman du Sortuk. Etzi arte eman ahalko dute botoa; emaitzak, larunbateko ekitaldian

Xabier Atristain, 2010ean, atxilotu ondotik Guardia Zibilak miaketa bat egitera eraman zuenean. ©JAVIER ETXEZARRETA / EFE

Lehen aldiz zigorra Madrili, atxilotu bati abokatua hautatzen ez uztearren

Maddi Ane Txoperena Iribarren

Defentsak uste du Estrasburgok Espainiari Atristainen kasuagatik jarritako zigorra «aurrekari» bat izan daitekeela. 2010ean atxilotu zutenean torturak salatu zituen. 20.000 euro eman beharko dizkiote

Mikel Albisuren babesa adierazteko bildu dira hainbat idazle eta editore

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.