Tortura

Unai Romanok Europara jo du tortura salatzeko

2001ean atxilotu zuen Guardia Zibilak, eta lehengo apirilean haren tortura salaketa artxibatu egin zuen Espainiako Auzitegi Konstituzionalak. "Ikerketan nahiko berme judizialik" ez dela izan dio Romanok. Europa Batasuneko Giza Eskubideen Auzitegiaren erabakiak ez dira Espainiakoentzat lotzaileak.
Unai Romano gaur, Donostian, 2001eko bere argazkia aurrean duela.
Unai Romano gaur, Donostian, 2001eko bere argazkia aurrean duela. Argazki Press

Berria -

2008ko urriak 30
Unai Romano 2001eko irailaren 6an Guardia Zibilak atxilotu egin zuen, eta honen esku egon zen 11ra artean, inkomunikatuta. Aurpegia itxuraldatuta irten zuen handik Romanok, torturak jaso zituela salatu zuen, Espainiako Estatuko epaitegietan parte sartu izan du, baina joan den apirilean bukatu zen bide hori: Auzitegi Konstituzionalak artxibatu egin zuen salaketa. Romanok orain Europa Batasuneko Giza Eskubideen Auzitegira jotzea erabaki du, gaur Donostian emandako prentsaurrekoan jakinarazi duenez. Haren arabera, Espainiako epaitegietan ez da "nahiko berme judizial" egon salaketa ikertzean -hau da, ez dutela behar bezala ikertu, Romanoren ustez-, eta horregatik jo du Europara. Europako auzitegiak ez du tortura salaketa bera ikertzen, baizik eta berme judizialik egon den. Romanoren alde egiten badu, Espainiako epaitegiak kasua berriro jorratzera presiona ditzake, baina erabakia ez da lotzailea. Aiert Larrarte Torturaren Aurkako Taldeko (TAT) ordezkaria eta Martxelo Otamendi =iEgunkaria=i-ren kontrako operazioan tortura jaso zuela salatu zuen kidea izan ditu ondoan gaur Romanok. Larrartek adierazi du Auzitegi Konstituzionalak ere ez diola Romanoren salaketaren mamiari heldu. Otamendik ere jo du bere auzia dela-eta Europara salaketa sartzera, eta tortura saihesteko "arduradun nagusiak epaileak" direla nabarmendu du, horiek agintzen dutelako atxiloketa, inkomunikazioa, euren esku dagoelako ikerketa...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna