Albistea entzun

Politika

Eusko Legebiltzarreko Mahaiak atzera bota du Espainiako bandera ez jartzeko EAk egindako eskaera

EAJk, PSE-EEk eta PPk ez dute eskaera tramitera ere onartu. EAren ustez, "Legebiltzarrak baino ez ditu hartu behar parlamentuko funtzionamenduari buruzko erabakiak", eta ikurriña bakarrik jartzeko eskatu du. Eusko Legebiltzarreko Mahaiak lehengo astean onartu zuen Espainiako Auzitegi Gorenaren aginduari men egitea -EAko ordezkaria kontra agertu zen-.

Berria -

2008ko abenduak 9 14:04
Espainiako Auzitegi Gorenak Eusko Legebiltzarrari honen eraikinaren kanpoan ere Espainiako bandera jartzeko agindu diola-eta, EAk kanpoan bandera ez ipintzeko Legebiltzarrean ekimena aurkeztu du, baina parlamentuko Mahaiak atzera bota du segituan, gaur. Gaia premiaz jorratzeko eskatu du EAk, baina Izaskun Bilbaok (EAJ), Isabel Celaak (PSE-EE) eta Carmelo Barriok (PP) ez dute tramitera ere onartu. Rafael Larreina (EA) eta Jose Miguel Fernandez (EB) dira Mahaiko beste bi kideak, eta tramitatzearen alde agertu dira biak -Fernandez testuarekin ados ez bazegoen ere-. EAk Mahaiaren erabakiaren aurkako helegitea sartuko du. "Auzitegi Gorenak botere banaketaren aurka egin du, baita [EAEko] Estatutuaren aurkako 25. artikuluaren aurka ere, Legebiltzarrak baino ez dituelako hartu behar parlamentuko funtzionamenduari buruzko erabakiak", uste du EAk. Honen arabera, "Espainiako banderak euskal gizartean zatiketa eragiten du". Legebiltzar kanpoan ikurri˝ak baizik ez duela egon behar eskatu du, "horrek ordezkatzen dituelako euskal herritar denak". Legebiltzarreko Mahaiak lehengo astean onartu zuen Gorenaren aginduari men egitea. EAJ, EA, EB, PSE-EE eta PPko ordezkariak daude Mahaian eta EA izan zen erabakiaren aurka azaldu zen bakarra. Gorenaren arabera, Espainiako ikur horrek eraikinaren kanpoan beti egon beharko du, eta barruan, berriz, "leku nabarmenean". Eusko Legebiltzarrak orain arte ez du kanpoan banderarik izan. Bai, aldiz, barruan, harrera gelan: ikurri˝a, Espainiakoa eta Europakoa, modu iraunkorrean. Hemendik aurrera kanpoan ere ipiniko ditu, baina ez du adierazi noiztik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.