ERREAKZIOAK. Gonzalez: "Jokoa luzatu ostean irabazi dut"

Sebastian Gonzalez (txapelduna)

"Irujok izugarrizko erritmoa jarri dio partidari hasieran eta oso zaila egin zait jokatzea. Gero, jokoa luzatu eta irabaztea lortu dut eta hau izugarria da. Lana, lana eta lana besterik ez dut egin nik, eta horrela etorri da txapela. Ipar Euskal Herriko pilotak egiten duen lanaren seinale da. Gurasoei eskaintzen diet txapela, baita lagundu didaten denei ere".

Juan Martinez Irujo (txapeldunordea)

"Abiada handia eman dio jokoari Gonzalezek, ez du hutsik egin ia, eta merezita irabazi du. Hobeto jokatu du".