Euskararen Aholku Batzordeak bilera du gaur, lehenengoa, Patxi Lopez lehendakari denetik. Euskararen Erabilera Sustatzeko Plana berrikustea izango da Jaurlaritzaren eginbeharretako bat lehendakariak esan duenez. "Garai berrietara egokitu behar du euskarak", eta horretarako eguneratu egin behar dira hizkuntza sustatzeko formak. Lan hori eta gehiago agindu ditu Lopezek, euskaldunon eskubideak "onartu eta garatuko" dituela agindu baitu, "pluraltasunetik eta herritarren hizkuntz eskubideetatik abiatuz" betiere. Euskararen Aholku Batzordea hezkuntza, gizarte eta instituzio arloetako 50 bat pertsonak osatzen du.
"Bultzada aktiboaren politika" iragarri du Lopezek gaztelaniarekiko egungo "asimetria" zuzentzeko, baina "modu orekatuan eta marginaziorik gabe, eta askatasunean", horixe baita "euskarak behar duen ingurua".
Orain arte aurreko gobernuek euskararen gainean egindakoak baliatuko ditu, "gauza asko eta onak" egin baitira, baina berriak ere abiatuko ditu. Horietako bat izango da Euskara 21 plana, hizkuntza "profesionala" izan dadin.
Euskaldunon eskubideak "onartu eta garatuko" dituela agindu du Patxi Lopezek
Iruzkinak
Ez dago iruzkinik
Ordenatu
