udalbiltza auzia

Milaka eta milaka lagun izan dira Udalbiltzaren epaiketaren kontrako manifestazio nazionalean Bilbon

'Udalbiltza aske! Bai Udalbiltzari. Bai Euskal Herriari' lelopean egin dute martxa. Auzipetuek absoluzioa eskatu dute, eta "instituzio demokratikoak sortu eta garatzeko eskubidea errespetatzea". Espainiako Estatuaren jokabidea "totalitarioa" dela salatu dute, eta eskerrak eman dituzte euskal gizartearen babesagatik. Eragileen artean izan dira Rufi Etxeberria, Pello Urizar, Patxi Zabaleta, Oskar Matute, LAB... Herenegun hasi zen epaiketa, eta auzipetuek berretsi dute Udalbiltza ez dela ETAren eta Ekinen menpe aritu. Hurrengo saioa, ostegunean.
'Udalbiltza aske! Bai Udalbiltzari. Bai Euskal Herriari' lelopean milaka lagunek hartu dute parte udal erakundearen epaiketaren aurkako manifestazio nazionalean, Bilbon.

Berria -

2010eko uztailak 17
"Madrildik gatoz, Espainiako Auzitegi Nazionaletik. Burua tente gatoz; irribarrea ezpainetan. Harro gatoz, epaitegi arrotz batean gezurrez eta maltzurki jositako anabasa sumarial bati oso-oso ondo egiten ari garelako aurre". Hala esan du Maribi Ugarteburu Udalbiltzako auzipetuak gaur arratsaldean Bilbon, udal erakundearen epaiketaren aurkako manifestazioko hitzaldian. "Udalbiltzak ez baitu inoiz izan ezer ezkutatzekorik. Kontrakoa: hasieratik egin izan duen lan guztia guztiz publikoa eta gardena izan da. Lan politiko instituzionala, azken batean. Eta horixe bera kontatu diegu epaileei eta fiskalei". Ondorioz, "epai posible bakarra absoluzioa" dela aldarrikatu du, baina ez hori bakarrik: "Instituzio demokratikoak sortu eta garatzeko eskubidea errespetatu egin behar da". Milaka eta milaka lagun izan dira manifestazioan, =iUdalbiltza aske! Bai Udalbiltzari. Bai Euskal Herriari=i lelopean. 17:45ean abiatu da ekimena, iragarri baino ordu laurdena beranduago, eta 19:00ak pasatxo zirela amaitu da, udaletxe aurrean. Pankarta eramaten auzipetuak izan dira, Xabier Alegria auzipetu presoaren bikotekidearekin batera. Haien denen aurretik, Euskal Herriko sei lurraldeetako ikurrak eraman dituzte lagun batzuek. Espainiako Estatuaren jokabidea salatu dute auzipetuek. "Estatu totalitario baten jokabidea da hau. Tankerik gabe, bai, baina tortura sistematikoa, debekuak, ilegalizazioak, epaiketa politikoak eta giza eskubide zibil eta politikoen urraketa zabala erabilita sostengatzen du bere erregimena Espainiako Estatuak Euskal Herrian. Gaueko sirenarik ez dute jotzen, baina hau salbuespen egoera da", adierazi du Loren Arkotxak hitzaldian. =bBabes handia gaur ere=b Bilboko manifestazioan eragileen artean izan dira ezker abertzalea (Rufi Etxeberria, Jone Goirizelaia, Tasio Erkizia), EA (Pello Urizar idazkari nagusia, Ikerne Badiola Komunikazio arduraduna), Aralar (Patxi Zabaleta koordinatzaile nagusia eta nafar parlamentaria eta Aintzane Ezenarro eusko legebiltzarkidea), Alternatiba (Oskar Matute bozeramailea), I˝aki Zarraoa EAJko kidea, Mikel Izagirre EBko kidea, ANV, LAB, ESAIT, Adierazi EH, Lokarri, abokatu euskaldunen elkartea, Euskal Herriko Ikastolen Elkartea... Ehunka lagunek norberak bere herriaren izena idatzita eraman dute txartel txikietan. Azkeneko asteetan EAJ, PSE-EE, PSN, EB edota ELAko kideek babesa agertu izan diete auzipetuei. Beste hainbat ekimen ere egin dira han eta hemen, auzipetuek gaur gogoratu dutenez. Babes hori guztia eskertu du Arkotxak, auzipetu denen izenean. "Ez, ez gaude bakarrik. Oso-oso argi geratzen ari da iritzi publikoaren gehiengo zabal bat dela uste duena epaiketa hau ez zela egin ere egin behar. Lan instituzional demokratikoa bakean eta lasai egitea oinarri-oinarrizko kontua dela, eta ez delitua". =bOstegunean hasi zen epaiketa=b Ostegunean hasi zen Udalbiltzaren aurkako epaiketa, Espainiako Auzitegi Nazionalean -2003ko apirilean izan zen operazioa-, eta atzo segitu zuen. Akusazioaren galderak ekimen, proiektu eta lan politikoei buruzkoak izan dira, ez ustezko delitu zehatzen bat frogatzera bideratuak. Auzipetuek berretsi dute udal erakundea ez dela ETAren eta Ekinen menpe aritu, eta hautetsiek baino ez dituztela hartzen erabakiak. "Udalbiltzaren lana beti gardena eta publikoa" izan dela ere azpimarratu diote epaimahaiari. Akusazioen "zorroztasun falta" eta "gezurrak" salatu dituzte, bide batez. Udalbiltza Euskal Herriaren aldeko proiektua dela nabarmendu dute eta sekula ez dela ideologia bati mugatua egon; "areago, pluraltasuna mantentzen sutsu saiatzen da, sigla politikoen mugak gaindituta". =bAuzipetuen artetik Larraitz Sanzberro falta da deklaratzeko=b 22 auzipeturekin hasi zen osteguneko saioa, baina epaimahaiak berehala jakinarazi zuen Miriam Campos auzipetua ez duela epaituko. Izan ere, Campos =i18/98 auzian=i epaitu eta zigortu egin zuten, eta epaimahaiak dio ezin dela berriro epaitu gauza beragatik -ETAko kidea izatea egozten zioten orain ere-. Auzipetuen artetik Larraitz Sanzberro baino ez da falta deklaratzeko. Ostegunean jarraituko du epaiketak, eta orduan mintzatuko da hura. "Gezurra badirudi ere, pozik gaude. Indarrarekin joango gara berriro Madrilera datorren ostegunean", esan du Ugarteburuk gaur. Ostiralean ere izango da saioa, eta ondoren irailean -7, 8, 9, 14, 15 eta 16an-. Alkate eta zinegotzi ziren garaian nazio instituzio bat sortu eta haren bitartez nazio eraikuntzan saiatzeagatik ETAko kide izatea egozten diete auzipetuei Fiskaltzak eta Dignidad y Justicia herri akusazioak. 10 eta 23 urte arteko espetxe zigorrak eskatzen dituzte haientzat. Epaimahaia Javier Gomez Bermudez epaimahaiburuak -=iEgunkaria auzian=i ere hala izan zen- eta Manuela Fernandez Prado eta Javier Martinez Lazaro epaileek osatzen dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen protesta, gaur, Donostiako Amara Berriko lehen arretarako zentroan. ©Gorka Rubio / FOKU

┬źSakoneko arazoei heltzeko┬╗ eskatu diote sindikatuek Osakidetzari

Maddi Ane Txoperena Iribarren

Azken urteotako murrizketek «osasun publikoaren ahultze kezkagarria» ekarri dutela salatu dute SATSE, ELA, LAB, SME, CCOO, UGT eta ESK sindikatuek lehen arretako zentroetan egindako protestetan. Eusko Jaurlaritzako Osasun Sailak eta Osakidetzak erantzun diete osasun publikoa «sendotzeko konpromisoa benetakoa eta erabatekoa» dutela.

PCR probak, Gurutzetako ospitalean. ©Luis Jauregialtzo, FOKU

Gutxitu egin dira egun bakarrean atzemandako kasuak

Uxue Rey Gorraiz

Beste 793 positibo detektatu dituzte Hegoaldean, aurreko egunean baino 14 gutxiago. Ospitaleratzeek ere behera egin dute: 56 gaixo erietxeratu dituzte azken egunean. Hiru gaixo zendu dira, Nafarroan.

Ikasgela huts bat, artxiboko irudi batean. ©Jon Urbe, FOKU

Jaurlaritzak 80 ikasgela itxi ditu egun bakarrean

Uxue Rey Gorraiz

172 ikasgela daude itxita Araban, Gipuzkoan eta Bizkaian. Guztira 111 ikastetxetan dute eragina itxiera horiek.

Mekanikari bat lanean, iragan apirileko irudi batean. ©Jon Urbe / FOKU

Ekonomia %19,5 jaitsi da bigarren hiruhilekoan, aurreikusi baino pixka bat gutxiago

Imanol Magro Eizmendi

Langabezia datuetan ere arindu egin dira uztailean eginiko aurreikuspenak: %17,2 izan zen tasa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna