Noiz sortua: 2011-02-15 16:34:57

komunikabideak

Politika berriak eskatu dizkiete erakundeei euskarazko hedabideek

Datozen asteetan instituzio eta alderdiekin harremanetan jarriko dira, sektorearen berri emateko eta politika berri horri heltzeko beharra azaltzeko.
Euskarazko hedabideek prentsaurrekoa eskaini dute Donostian, instituzioei babes handiagoa eskatzeko.

Berria -

2011ko otsailak 15
Euskarazko 80 hedabidek politika berriak eskatu dizkiete erakundeei gaur eguerdian Donostian eginiko agerraldi batean. Duela bi aste hedabideek editorial bateratu bat atera zuten, eta gaur beste pauso bat eman dute, hedabideei orokorrean euren egoera eta beharrak azaltzeko. Datozen asteetan instituzio eta alderdiekin bilduko direla jakinarazi dute, sektorearen berri emateko eta politika berri baten beharra azaltzeko. Publikoak ez diren euskarazko hedabideek etorkizunari aurre egiteko baliabide gehiago behar dituztela azpimarratu dute. Diru laguntzek handiagoak izan behar dutela esan du Jasone Mendizabal Topagunekoak. Finkoak izan beharko luketela esan du, "hedabideen ekoizpenari eta eraginari erreparatuta", aurrera begira erronka berriei heldu ahal izateko. Krisi ekonomikoak gogor astindu dituela esan du: "Lehendik ere baliabidez urri, eta orain larriago". Sostengu handiagoa behar duten une honetan erakundeek krisiaren aitzakian laguntzak murriztu dizkietela salatu du, eta batzuk itxi egin behar izan dutela esan du. Publikoak ez diren euskarazko hedabideen asmoa, ordea, ez dela irautea nabarmendu du, zabaltzea baizik. Euskarazko hedabideen sektorea diruz lagundutako sektore bat dela adierazi du, eta horrela behar duela, "ordezkatu ezin den lan bat betetzen duelako". Hala ere, jasotzen denaren zati handi bat itzultzen zaiola azaldu dute agerraldia egin dutenek. Mendizabalen arabera, jasotako diru laguntzetatik sei milioi euro zergen bidez itzultzen zaizkie erakundeei. "Jasotzen dugunaz gain, zenbat ematen dugun ere hartu behar da kontuan. 450.000 irakurlerengana iristen dira euskarazko hedabideak. "Sektore zabal eta bizia osatzen dugu, kontuan hartzekoa. Gizarteari era askotako onurak ematen dizkiona: komunikazio arlokoak, hizkuntzaren normalizazioaren arlokoak eta ekonomikoak". "Ekonomikoki ere sektore garrantzitsua da publikoak ez diren euskarazko hedabideena: 600 langiletik gora ari gara bertan", dio agerraldian irakurri duten agiriak. "Gure konpromisoa hemen dago, egunerokoan ikusgai. Eta instituzioen konpromiso sendoagoa ere egunerokoan ikusi nahi dugu. Herri erakunde publikoen sostengu eta babes handiagoa aldarrikatzera gatoz". Publizitate insituzional gehiago Batik bat, publizitatearen arloan jasotzen diren laguntzak eskasak direla salatu dute. Esan dute euskarazko hedabideek erakundeen aldetik jasotzen duten publizitatea ez datorrela bat horiek dituzten irakurleekin. "Euskaldunen erdiek euskarazko hedabideei erreparatzen diete. Uste dut badugula publizitatean horren parekoa jasotzeko eskubidea ere", esan du Joanmari Larrarte Berria Taldeko kontseilari ordezkariak.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna