Hamabost kargu leporatzen dizkio Nazioarteko Zigor Auzitegiak, horietako bat, genozidioa

 

Berria -

2011ko maiatzak 26

Ratko Mladic general ohiari hamabost kargu leporatzen dizkio Nazioarteko Zigor Auzitegiak, horien artean, gerra krimenak. Horietan larriena Srebrenicako 8.000 musulman hiltzeagatik genozidioarenari egin beharko dio aurre (lehen kargua). Srebrenica gune seguru izendatu zuen Nazio Batuen Erakundeak zibilak babesteko, baina soldadu serbiar-bosniarrak sartu zirenean 8.000 gizonezko hil zituzten. Gainera, genozidioan laguntzea ere leporatzen diote (bigarren kargua), ustez berak antolatu eta agindu zuelako Bosniako musulmanen komuniatea deusezteko erasoa. Genoziodio kargua frogatzea dagoen zailenetako bat da, auzipetuaren aldetik borondatea egon zela frogatu behar delako. Beste karguen artean pertsekuzioa (hirugarrena), deuseztatzea eta hilketa (laugarrena, bosgarrena eta seigarrena), deportazioa eta gizatasunaren aurkako ekintzak (zazpigarrena eta zortzigarrena), zibilen artean beldurra sortzeko kanpaina, tratu krudela eta gizatasunik gabekoa eta zibilak erasotzea (bederatzigarrenetik hamalaugarrenera) eta bahiketak (hamabosgarrena) daude. Azken kargu hori 1995eko maiatzean NBEaren 200 soldadu eta behatzaile atxikitzeagatik leporatzen diote.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna