herrialde katalanak

Carod Rovirak ERC utzi du

Herrialde Katalanetako ezkerreko alderdiko presidentea izan zen. Ez dago ados egungo zuzendaritzarekin. "Ezker nazional plurala" osatzeko lanean jarraituko duela esan du.

Josep Lluis Carod Rovira.
Josep Lluis Carod Rovira.

Berria -

2011ko ekainak 4

Josep Lluis Carod Rovirak (Cambrils, Herrialde Katalanak; 1952) ERC Esquerra Republicana de Catalunya alderdia utzi duela jakinarazi du. Hori esanez bart gutun bat helarazi die Joan Puigcercos alderdiko presidenteari eta Joan Ridao idazkari nagusiari, Rafael Niubo ordezkariaren bidez.

1996 eta 2008 artean ERCko presidentea izan zen Carod Rovira —1987an sartu zen alderdian—. Harekin lortu zituzten emaitzarik onenak. 2008an Puigcercosek hartu zion lekukoa, eta Carod Rovirak esan izan du baztertuta sentitu dela. ERCk gaur aitortu du "pertsona garrantzitsua" izan dela hura alderdian.

Esquerra Republicana de Catalunyak laster biltzarra egingo du, iazko Kataluniako Legebiltzarrarerako eta aurtengo udal hauteskundeetako emaitza txarrak direla-eta, eta Carod Rovirak esan du kongresuan ez eragiteko asmoz utzi duela alderdia. "Aspalditik" zegoen ERCtik urrun —ez dago ados egungo zuzendaritzarekin—, bi orrialdeko eskutitzean dioenez, baina nahiago izan du bozen ostean lagatzea.

"Ezker nazional plurala" osatzeko lanean jarraituko duela adierazi du.

ERCtik 2003tik iaz arte bi aldiz izan da Kataluniako Generalitateko kide, PSC eta ICVrekin hirukoa zutenean. 2004an, baina, dimisioa eman zuen, ETArekin hitz egin zuela-eta jazarpen handia jaso zuelako.

Espainiako Auzitegi Nazionalak 2003an Egunkaria itxi zuenean, Carod Rovirak maiz azaldu izan zuen kazetarekiko elkartasuna, eta auzipetuekin behin baino gehiagotan egon zen. Euskal Herriko bake prozesuari ere lagundu izan dio, eta Arnaldo Otegi ezker abertzaleko kidea askatzeko aldarrikapenak egin ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna