Ekonomia

Mario Draghi izendatu dute Europako Banku Zentraleko presidente

Azarotik aurrera ordezkatuko du Jean Claude Trichet.

Berria -

2011ko ekainak 24

Mario Draghi italiarra izango da Jean Claude Trichet frantziarraren ordezkoa EBZ Europako Banku Zentraleko gidaritzan. Hala erabaki dute Europako Kontseiluan, eta Europako Parlamentuko ministroek ofizializatu behar dute bozketan. Azarotik aurrera hartuko du kargua. Draghi Italiako Bankuaren buru da, eta euroguneko Finantza ministroen eta Europako Parlamentuaren babesa izan du. 

Italiarra prezioen kontrol zorrotzen, integrazio ekonomikoaren eta diziplina fiskal handiagoarenn aldekoa da. Bide hori jarraitu nahi du Greziakoa bezalako krisiak saihesteko. Draghik Tricheten lanari jarraipena emango dio, eta Greziako zorraren berrestrukturazioaren aurka azaldu da, bankuetan eragin txarra izango duelakoan.

Draghiren izendapena kaltea izan da Angela Merkel Alemaniako kantzilerrarentzat. Axel Weber Bundesbankeko gobernadore ohia zen Merkelen hautagaia, baina hark presidentetzari uko egin ostean, ez du lortu Alemaniako hautagairik EBZko agintean. Nicolas Sarkozy Frantziako presidenteak Draghiri emandako babesa erabakigarria izan da hura izendatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna