Zinema

Astelehenean hasiko dituzte 'Xora' zubererazko lehen film luzearen grabaketak

Peio Cachenaut zuzendariaren lana da, eta 2012ko udaberrian estreinatzea espero dute.

Maite Alustiza -

2011ko uztailak 12

Astelehenean hasiko dituzte 'Xora' filmaren grabaketak. Zubererazko lehen film luzea izango da, Peio Cachenaut zuzendariaren lana. Jef Goihenexpe eta Ttittika Rekalt dira protagonista nagusiak, eta Maulen nahiz Zuberoako artzain-etxe batean girotuko dute filma. Zuberoako mutil gazte baten istorioa kontatuko du. Gau eskola bateko euskara irakasle da, baina hori ez da berak nahi duena: idazle izatea gustatuko litzaioke. Bere osaba Hollywood idazlea da, eta haren jardunak liluratu egingo du.

Duela bi urte hasi zen Cachenaut gidoia egiten. Xiberoa Zinez proiektua martxan jarri zuten orduan, eta hainbat erakunderen eta herritarren laguntza izan du geroztik. Hebentik elkartea, Aldudarrak Bideo elkartea eta Baleuko ekoizpen etxea dira horietako batzuk.

Hiru astez ariko dira grabatzen, eta udazkenean muntaketa lanak egin ondoren, 2012ko udaberrian estreinatzea espero dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna