EUSKAL HERRIA

Kukutza: "Udalak baditu eraistea eragozteko baliabideak"

Larunbatean manifestazioa egingo dute, eta "Kukutza proiektuaren indarra eta esentzia" islatu nahi dituzte bertan.

Berria -

2011ko uztailak 14

Kukutza gaztetxeak larunbaterako manifestaziorako deialdia egin du gaur. Azken egunetan protesta ekintzak ugariak izan dira, eta auzoko jende asko ari da parte hartzen horietan. Izan ere, azken hamahiru urteetan Kukutza gaztetxea izan den eraikina botatzeko agindua dago, eta herriak ez du eraikina uzteko asmorik.

Protesta horien harira, larunbaterako manifestazioa antolatu dute Bilbon, arratsaldeko 18:00etarako. Antolatzaileen hitzetan, manifestazio "koloretsu eta bizia" izango da, eta batukada eta puzgarriak izango dira besteak beste, "Kukutza proiektuaren indarra eta esentzia" islatu nahi baititu.

Argi utzi du Kukutzak ez dagoela eraikin alternatiborik duten gaztetxerako; batetik, euren lanarekin txukundu eta prestatu dutelako, eta, bestetik, eraikinaren sabai altuak garrantzitsuak direlako: antolatzen dituzten ekintzetarako, eta, esaterako, Euskal Herriko rokodromo handiena dutelako prestatuta. Beraz, oraingoz ez dute beste eraikinik okupatzeko asmorik.

Udalarengana ere zuzendu da Kukutza, eraistea eragozteko behar adina baliabide badutela salatzeko, eta hori alternatiba "erreal, bidezko eta politikoa" litzatekeela esateko. Azkunak adierazi du ez dituztela sei milioi euro ordainduko "batzuk gaztetxean egon daitezen".

Horren aurrean, Alternatibak allkateari leporatu dio ez zitzaiola "hain larria iruditu sei milioi euroko galera Bilbo Scalextric antolatzea otu zitzaionean". Bildu ere ez da pozik agertu alkatearen hitzekin, eta gaztetxea salbatzeko "borondate politikoa" behar dela esan du, "arazoa ekonomikoa ez delako". Gainera, garrantzitsutzat jo du gaztetxe autogestionatu honek auzoari eman dion zerbitzua, eta Azkunari gogorarazi dio, azken urteetan Udala ez dela gai izan "auzoak behar zituen guneak eta kultura ekintzak asetzeko".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna