azken ordukoa

Afganistango presidente ohi Rabbani hil dute

Haren etxearen aurrean leherketa bat izan da, Kabulen. Bakearen Kontseiluko burua zen egun, eta gaur bi talibanekin biltzekoa zen.

Berria -

2011ko irailak 20

Burhanudin Rabbani Afganistango presidente ohia eta Bakearen Kontseiluko burua hil dute gaur, Kabulen egindako atentatu batean, Arsala Rahmani kontseiluko kideak esan duenez. Beste bost lagun ere zendu dira erasoan.

Rahmanik talibanei egotzi die erasoa, eta jakinarazi du Rabbani gaur bere etxean bi taliban hartzekoa zela.

Hain zuzen, Afganistango presidente ohiaren etxearen aurrean leherketa bat izan da, Wazir Akbar Khan auzoan.

1993-1996 artean izan zen herrialdeko lehendakaria. Talibanek kendu zuten boteretik. Bakearen Kontseiluko presidente, berriz, iazko urritik zen; Hamid Karzai Afganistango presidenteak jarri zuen karguan, herrialdean bizikidetza lortzen saiatzeko, eta urte honetan harremanetan izan da talibanekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna