teknologia

Steve Jobs hil da, Appleren sortzailea

Minbizia zeukan. Enpresaren Macintoshak, iMacak, iPodak, iTunes, iPhoneak, iPadak eta aplikazioen dendak erreferentzia bihurtu dira. "Mundua hobea da Jobsen lanagatik", esan du Applek.

Steve Jobs hil da, Appleren sortzailea
Steve Jobs hil da, Appleren sortzailea

Berria -

2011ko urriak 6

Steve Jobs (Kalifornia, AEB, 1955), Apple informatika etxearen sortzailea hil da bart, minbiziak jota. 1976an sortu zuen Apple enpresa, herritarrak informatikara hurbiltzeko asmoz, eta komunikazioaren eta teknologia berrien arlora berrikuntza handietakoak ekarri ditu azken urteetan.

Macintosh sistema asmatu zuen Jobsek 1984an, eta azkenaldian iPod (2001), iPhone (2007) edota iPad (2010) sortu izan ditu azkenaldian Applek. Hain zuzen, enpresak atzo aurkeztu zuen Iphoneren azken bertsioa: 4S. Appleren Macintoshak, iMacak, iPodak, iTunes, iPhoneak, iPadak eta aplikazioen dendak erreferentzia bihurtu dira. Gailuak, sistema eragileak eta gailuen erabilerraztasuna, horien izan dira enpresaren ikur. "Mundua hobea da haren lanagatik", esan du Applek.

Jobsek pankreaseko minbizia gainditu zuen 2004an, baina berriro gaixotu zen urte batzuetara eta 2009ko urtarrilean jakinarazi zuen aldi baterako erretiratu egingo zela. Urte hartako ekainean itzuli zen, gibela transplantatu ondotik, baina aurtengo urtarrilean berriro utzi zuen. Abuztuan laga egin zion Appleko kontseilari ordezkari izateari —Tim Cook operazioen burua izendatu zuten ordezko—; Jobsek, ordea, ez zuen utzi administrazio kontseiluko presidente postua.

Amets amerikarraren adibide nagusietakoa izan da: Steve Wozniakek eta biek, oso gazte zirela, 1976an garaje batean sortutako ordenagailu negozioa munduko enpresa teknologiko garrantzitsuena bihurtu da Apple, diseinuaren eta modernitatearen ikur, eta burtsan balio gehien duen munduko bigarren enpresa, Exxon petrolio konpainiaren atzetik.

Jobs 1985ean bidali egin zuten berak sortu zuen enpresatik, arduradunekin zituen gatazkengatik. 1997an itzuli zen, enpresa hondoa jota zegoenean, berpizteko. 1997an Applera itzuli zenean akzioek bederatzi dolar balio zuten; duela hilabete pasatxo, 376. Proportzioan publizitatean diru gutxien gastatuta oihartzun mediatiko handiena lortzen duen enpresa da. 

Obama eta Gates

Barack Obama AEBetako Gobernuko presidenteak esan du "munduaren etorkizuna ikusteko gaitasuna" izan zuela Jobsek.

Bill Gates Microsoft-eko sortzaile eta presidenteak adierazi du Jobsen eragina "belaunaldi batzuetan" igarriko dela. "Duela 30en bat urte ezagutu genuen elkar. Lagunak eta lehiakideak izan gara".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Osasun langile bat koronabirusak jotako gaixo bat artatzen, Erromako ospitale batean. ©MASSIMO PERCOSSI / EFE

Bi milioi hildakotik gora

Gorka Berasategi Otamendi

Neurriak gogortzeko prestatzen ari dira Europako hainbat herrialde. Erresuma Batuak hamasei herrialdetako hegaldiak debekatu ditu birusaren beste aldaera bat herrialdean zabal ez dadin

COVID-19aren aurkako Pfizerren txertoa. ©LUCA ZENNARO / EFE
Pere Aragones Generalitateko presidenteordea, Roger Torrent Parlamentuko presidentea eta Bernat Sole Kanpo Harremanetarako kontseilaria. ©QUIQUE GARCIA / EFE

Hauteskundeak maiatzaren 30ean egitea adostu du Generalitateak

Julen Aperribai

Kataluniako Gobernua talde parlamentario guztiekin bildu da, eta PSC ez beste alderdi guztiek onartu dute otsailaren 14an egitekoak ziren bozak hiru hilabetez atzeratzea

Mark Rutte Herbehereetako lehen ministroa, atzo goizeko Ministroen Kontseilura heltzean. ©BART MAAT / EFE

Herbehereetako Gobernuak dimisioa eman du, eskandaluak eraginda

Maria Ortega Zubiate

Seme-alabengatik jasotako diru laguntzen iskanbilaren ondorio izan da erabakia. Martxoaren 17ko bozak egin arte egongo da jardunean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna