azpiegiturak

Gipuzkoako Aldundiak ez ditu "herrialdea ekonomikoki jota" utzi duten proiektuak abiatuko

EAJ, PSE eta PPren botoei esker, Batzar Nagusiak aste honetan AHTaren eta Pasaiako kanpo kaiaren alde azaldu dira.

Berria -

2011ko urriak 7

Aste honetan Gipuzkoako Batzar Nagusiak, EAJ, PSE-EE eta PPren botoei esker, AHTaren eta Pasaiako kanpo kaiaren alde agertu badira ere, foru gobernuak (Bildu) gaur argitu du ez dituela horrelako proiektuak abiatuko, "herrialdea ekonomikoki jota utzi dutelako".

"Kanpo kaia bezala makroproiektuak ez dira inola ere behar, baina Gipuzkoako ekonomia horretan oinarritu nahi izan dute", dio Foru Aldundiaren oharrak. "Ez da onargarria krisi garaian horrelako azpiegitura handiak proposatzea. PP, EAJ eta PSEk lehengo akats bera egin dute".

Diputazioaren ustez, "interes ekonomiko pribatuak" daude horrelako azpiegituren atzean, eta horretarako "diru publikoa" erabili nahi dute. Harentzat, beste batzuk dira lehentasuneko egitasmoak; Pasaiaren kasuan, badiaren berreskuratzea, "bertako herritarren erabakiak errespetatuta". 

EAJk gehiengoaren erabakiak ez errespetatzea egotzi dio Bilduri, eta PSEk, berriz, egitasmo horiek bultzatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna