Sei kideak

2011ko urriaren 15a
19:20
Entzun

Koffi Annan: Kumasi, Ghana, 1938. 1997-2006 artean Nazio Batuen Erakundeko idazkari nagusia izan zen, eta 2001ean Bakearen Nobel saria jaso zuen.

Bertie Ahern: Dublin, 1951. Irlandako lehen ministroa 1997-2008 artean. Fianna Fail alderdiko kidea. Ipar Irlandako bake prozesuko negoziazioetan parte-hartze zuzena izan zuen; 1998ko Bake Akordioaren sustatzaileetakoa.

Gerry Adams: Belfast, 1948. IRAko zuzendaritzako kide ohia, eta Sinn Fein Irlandako alderdiko presidentea 1987tik. Hark ere parte-hartze zuzena eduki zuen Ipar Irlandako bake prozesuan eta 1998ko itunean.

Jonathan Powell: 1956. Tony Blair Erresuma Batuko lehen ministro izan zenean, haren kabineteko burua izandakoa. Powellek ere partaidetza zuzena izan zuen Ipar Irlandako bake prozesuan eta 1998ko akordioan.

Gro Harlem: Bærum, Norvegia, 1939. Norvegiako lehen ministro izandakoa hiru aldiz: 1981, 1986-1989 eta 1990-1996an. Alderdi Laboristako kidea. Nazio Batuen bakerako talde berezi bateko kide izana. Gaur egun gatazkak saihesteko talde bateko kidea da: Carnegie-ekoa.

Pierre Joxe: Paris, 1934. Frantziako Justizia ministro izana, Charles de Gaulle presidentearen garaian. Barne eta Defentsa ministro ere izana, Francois Mitterranden garaian. 2001etik Frantziako Kontseilu Konstituzionaleko kidea. PSren buru ohia Frantziako Asanblada Nazionalean.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.