mundua

NATOk bukatutzat eman du Libiako operazio militarra

Operazio militarra martxoaren 19an hasi zen eta urriaren 31an izango du amaiera.

Berria -

2011ko urriak 27

NBEko Segurtasun Kontseiluak adierazi du hurrengo astelehenetik aurrera bukatutzat ematen dituela Libiako operazio militarrak. Kontseiluko hamabost kideek aho batez onartu dute NATOren esku hartzeari amaiera ematea ahalbidetzen duen ebazpena. 

Era berean Libiako Trantsiziorako Kontseilu Nazionalak armak eskuratzea ahalbidetzen duen neurrian aldaketak egin dira, eta zenbait aktiboren izoztea altxatu (Libiako kutxa eta petrolio konpainiei eragiten ziena). 

Operazio militarra orain zazpi hilabete hasi zen, Libiako herritarrak Muammar Gaddafiren erregimenaren aldekoek hasitako erasoetatik babesteko helburuz. Orduan, NBEk atzerriko indar militarren parte hartzea baimendu zuen —aurrerago NATOren eskuetan gelditu ziren—, Libiako zibilen babesa bermatzeko beharrezko neurriak hartzeko aginduarekin. 

Gaur zortzi Libiako Trantsiziorako Kontseilu Nazionaleko indarrek Gaddafi hil zuten, Surten, haren jaioterrian. 

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna