Albistea entzun

pilota

Beloki: "Gerora kantxatik gertuago egongo naiz, bulegoetatik baino"

Abenduaren 3an jokatuko du azkeneko partida, Iruñean, martxora arteko kontratua zeukan arren. Lau aldiz izan da buruz buruko txapeldun. 37 urte ditu.

Beloki Iruñean, Baluarte jauregian, prentsaurrekoa emateko prest

Berria -

2011ko azaroak 15

Abenduaren 3an jokatuko du Ruben Belokik pilotari profesional bezala bere azkeneko partida, Iruñean. Aimar Olaizola Olaizola II.a izango du bikotekide Labriten, eta Oinatz Bengoetxea Bengoetxea VI.a eta Aritz Begino kontrario. Handik aurrera ere pilota munduan egongo dela esan du gaur Belokik, eta kantxatik hurbil egongo dela betiere: "Gerora kantxatik gertuago egongo naiz, bulegoetatik baino". Teknikari izango da Asegarce enpresan. Iruñean agur prentsaurrekoa eman du gaur, Baluarten.

Belokik 37 urte dituela erabaki du erretiroa hartzea, Binakako Txapelketan sartu ez zutela ikustean. Martxora arteko kontratua zuen Asegarcerekin, baina ez du amaituko. Hemeretzi urte egin ditu profesionaletan.

1992ko abuztuaren 8an debuta egin ondoren, lau aldiz izan da buruz buruko txapeldun: 1995 —inoizko gazteena, 20 urte zituela—, 1998, 1999, eta 2001ean. Azken urteetan lesioek ez diote bere onena ematen utzi, eta maila oneko partida gutxi jokatu ditu. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

IDKren eta Gernikaren arteko partida Euskal Kopan. ©MARIA MENTXAKA

Hasteko hiru modu

Ainara Arratibel Gascon - Pettan Uralde - Iñigo Lasa

Aste honetan ekingo diote sasoiari Gernikak, IDK-k eta Araskik. Hiru taldeetako entrenatzaileak gogotsu eta ilusioz dira, baina, txapelketek duten gogortasunaz eta parekotasunaz jakitun, luze gabeko helburuak jarri nahi izan dituzte, eta partidaz partida joan.

Mikel Zabala jaurtiketa bat egiten, joaneko partidan. ©JON URBE / FOKU

Bidasoak penaltietan lortu du Europako Ligan aurrera egitea

Berria

5-6 gailendu zaio Kolstadi, arauzko denbora 28-25 amaitu ostean; irundarrak multzoen fasean arituko dira

Hans Niemann xake jokalaria—irudian— susmopean jarri du Magnus Carlsenek. Iruzur egitea egotzi dio. ©LENNART OOTES

Iruzurraren susmopean

Josu Tornay

Magnus Carlsenek tranpetan aritzea egotzi dio Hans Niemanni. Frogarik gabe egin du. Ez da xakean halako zerbait gertatzen den lehen aldia, baina harrabotsa sortu du.

 ©ARKAITZ IBARRA

«Gaur egungo zortzimilakoetarako ez dezatela nirekin kontatu»

Unai Ugartemendia

Argentinan, ospe handia du Arkaitz Ibarra Martinez alpinista bizkaitarrak. Oso ume zela, lehenik Granadara joan zen bizitzera gurasoekin. Azken urteetan, berriz, Argentinan bizi da. Gidari gisa lan egiten du han, eta hainbat marka jarri ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.