drogak

Jaurlaritzak ez du legeztatuko kalamua

Atzo Bengoa Osasun sailburuak zioen droga haren salerosketa eta "kontsumo arduratsua" arautu nahi dutela. Mendia bozeramaileak esan du ez dutela legeztatzeko eskumenik.

Berria -

2011ko abenduak 13

Atzo Rafael Bengoa Eusko Jaurlaritzako Osasun eta Kontsumo sailburuak kalamuaren salerosketa eta "kontsumo arduratsua" arautu nahi dutela esan arren, gaur Idoia Mendia Jaurlaritzako bozeramaileak gaur zehaztu du ez dutela kalamua legeztatuko, horretarako eskumenik ez dutela esanda. "[Espainiako] Estatuarena da eskumena". Espainiako Zigor Kodeak kalamuaren trafikoa eta kontsumoa debekatu egiten duela gogoratu du Mendiak, halaber.

Haren arabera, Jaurlaritzako Osasun Sailaren xedea legedia aztertzea baino ez da, baita araudia hobetzea ere, droga haren kontsumitzaileak jaisteko asmoz.

"Debekatzera jo ordez, logikoena da bidea segurtatzea jendeak arduraz joka dezan, informazioari eta hezkuntzari esker", zioen atzo Bengoak. Honek esan zuenez, 2012ko hasieran aurkeztuko duen Mendekotasunen Legeak aurrera eginez gero, marihuana landatzea, salerostea eta kontsumitzeari buruzko araudi berria egongo da Araba, Bizkai eta Gipuzkoan. Testuak ez ditu baliogabetuko zigorrak, baina "pertsonen autonomiari espazio jakin bat" utziko dio.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna