1993an Idigorasek jantzi zituen gorbata eta trajea Garitanok ditu

Hemezortzi urte pasatu dira Espainiako erregeak ezker abertzaleko ideologiako pertsona bat azkenekoz hartu zuenetik.

Jon Idigoras HBko diputatua 1993an, Zarzuela atarian.
Jon Idigoras HBko diputatua 1993an, Zarzuela atarian.

Berria -

2011ko abenduak 15

Xabier Mikel Errekondo Amaiur koalizioko diputatua gaur joan da Zarzuelara, Espainiako Juan Carlos I.a Kongresuan ordezkaritza duten guztiekin egiten ari den bilera errondara. Hemezortzi urte pasatu dira Espainiako erregeak ideologia horretako pertsona bat azkenekoz hartu zuenetik. 1993an izan zen, eta Jon Idigoras diputatua joan zen bilerara. Rufi Etxeberria txofer zuela joan zen, eta Zarzuelako hesia pasatu eta jauregira arteko sei kilometro inguru beraiek bakarrik egin zituzten, autoan.

Iritsitakoan gorbata jantzi zuen Idigorasek, autotik irten eta jauregira sartu aurretik, hantxe, argazkilariak aurrean zituela. HBren izenean joan zen erregearengana, eta bi diputatu zituen. Martin Garitano Gipuzkoako ahaldun nagusiak gaur esan du berak dituela HBko diputatuak orduan erabili zituen trajea eta gorbata.

Autodeterminazio eskubidea eskatu zion bileran Idigorasek Juan Carlos I.ari. Euskal Herriko "indarkeria arazoa" konpontzeko huraxe zela bidea esan zion. Kongresuko talde guztiekin hitz egiteko prestutasuna ere erakutsi zion.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna