gizartea

Baimenik gabe adingabeko haur baten argazkia argitaratzeagatik, bi mila euroko isuna

Oñatiko EAJk Gipuzkoako Foru Aldundiko egungo bozeramaile Larraitz Ugarteren umearen irudia atera zuen iazko maiatzeko hauteskundeetan.

Berria -

2012ko urtarrilak 11

Oñatiko EAJk bi mila euro eman beharko dizkio Larraitz Ugarte Gipuzkoako Foru Aldundiko bozeramaileari, honen baimenik gabe bere adingabeko alabaren argazki bat argitaratzeagatik —sei urte ditu orain umeak—. Iazko maiatzeko udal eta foru hauteskundeetako aldizkari batean atera zuen EAJk irudia. Haurra beste adingabeko batzuekin ageri zen, Oñatin futbolinean jokatzen, eta Ugartek eta bere senarrak parte sartu zuten.

EAJk dio bere asmoa herriak ludoteka bat behar zuela transmititzea zela, eta azaldu du argazki hura Oñatiko beste aldizkari batek aurretik argitaratu izan zuela. Epaiak dio kasu honetan informazio hori ez zela "neutrala", bozei buruzkoa zelako.

Sendiak hiru mila euroko kalteordaina eskatzen zuen. Alderdi jeltzaleak Gipuzkoako Auzitegian helegitea sartzeko aukera du.

Aipatutako bozen ondoren da Aldundiko bozeramailea Ugarte Bilduko kidea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
S: