osasuna

DYAren sortzailea hil da: Juan Antonio Usparitza

Busturiarrak 1966an eratu zuen osasun erakundea.

Juan Antonio Usparitza iaz, Bilbon.
Juan Antonio Usparitza iaz, Bilbon. / Monika del Valle/Argazki Press

Berria -

2012ko urtarrilak 13

Juan Antonio Usparitza Lekunberri DYAren sortzailea hil da gaur, erakundeak ohar baten bidez jakinarazi duenez. 1919an jaio zen, Busturian, eta 1966an eratu zuen DYA.

"18 urte besterik ez zituela Espainiako Gerrarako deitu zuten, eta 1936-1939 artean ikusitako ankerkeria itzelek beregan osasun bokazioa piztu zuten", esan du DYAk. "Horregatik, gatazka amaitu ostean, Medikuntzako lizentziatura eskuratu zuen. Basurtuko ospitalean postua lortu ondoren, 1954an ginekologikoa eratu zuen. Azkenean, eta urteetan ikusirik trafiko istripuetan zaurituak inolako osasun irizpiderik gabe tratatzen zituztela, 1966an DYA sortzeko erabakia hartu zuen".

DYAk egun osasun laguntza, gizarte laguntza, laguntza egokitua, zaintza zerbitzuak, formakuntza, lan sustapenerako guneak, nazioarteko laguntza, istripua izan dutenei laguntza psikologikoa, hondartzetan zaintza eta sorospen zerbitzua,
teleasistentzia eta geriatria zerbitzuak ematen ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna