ekonomia

Lan erreformaren kontra martxoaren 29rako greba orokorrera deitu dute sindikatu abertzaleek

ELAk, LABek, ESK-k, EILASek, EHNEk eta Hiruk egin dute deia, Hego Euskal Herrirako. 2009tik orain arte hiru lanuzte orokor egin dituzte.

Berria -

2012ko otsailak 16

Espainiako lan erreformaren kontra eta eskubide sozial eta laboralen alde martxoaren 29rako (osteguna) greba orokor deialdia egin dute ELA, LAB, ESK, EILAS, EHNE eta Hiru sindikatu abertzaleek, gaur arratsaldean prentsa ohar baten bidez jakinarazi dutenez. Deialdia Hego Euskal Herrirako egina da. Bihar 11:00etan sartuko dituzte eskaerak Bilbon —Eusko Jaurlaritzaren egoitzan— eta Iruñean —Nafarroako Gobernuaren erregistroan—.

2009an lankidetzari heldu ziotenetik, ELA, LAB, EILAS, EHNE eta Hiruk orain arte hiru greba orokor deitu dituzte, denak ere Hego Euskal Herri mailakoak. Aurrena 2009ko maiatzean 21ean izan zen, "bestelako eredu sozio-ekonomikoaren alde". 2010eko ekainaren 29an langileen eskubideen aldeko eta erreforma salatzeko greba orokorra antolatu zuten. Iazko urtarrilaren 27an Espainiako Gobernuaren pentsioen erreformaren aurkako greba orokorra deitu zuten.

Espainian CCOO eta UGT sindikatuak oraingoz, ez dute asmorik greba antolatzeko. Haiek aitortu dutenez, lehendabizi beste mobilizazio batzuk egingo dituzte, indarrak neurtzeko.

Espainiako Gobernuak lehengo ostiralean onartu zuen lan erreforma, eta orain Kongresura eramango du, bozka dezaten.
 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna