euskal herria

Martxoaren 3ko biktimen elkarteak "eragindako sufrimendua" aitortzeko eskatu dio Espainiako Gobernuari

Sarraskiaren 36. urteurreneko ekitaldiak aurkeztu dituzte gaur, Gasteizen.

Martxoak 3 elkartearen agerraldia, gaur, Gasteizen.
Martxoak 3 elkartearen agerraldia, gaur, Gasteizen. Juanan Ruiz / ARP

Berria -

2012ko otsailak 28

Martxoaren 3ko biktimen elkarteak Espainiako Gobernuari eskatu dio "estatuaren egitura polizialek oro har eta bereziki Gasteizko sarraskian eragindako sufrimendua" aitortzeko. 1976ko martxoaren 3ko gertakizunen 36. urteurreneko ekitaldiak aurkeztu dituzte gaur goizean Gasteizen.

Horrekin batera, Euskal Herriak Egiaren Batzorde bat behar duela azpimarratu du elkarteak, "estatu terrorismoak azken hamarkadetan eragindako kasu guztiak argitzeko".

Espainiako eta EAEko gobernuek biktimen auzian hartzen duten "jarrera baztertzaile eta arbitrarioa" ere salatu dute. Eusko Jaurlaritzako polizia indarkeriaren biktimen dekretua izan dute hizpide, eta "zentzugabetzat" jo dute, horrek Martxoak 3 elkartea bi dekretu ezberdinetan parte hartzera behartzen baitu —polizia indarkeria 1976an eta 2006an pairatu zutela salatu dute—.

 

 


 



 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna