euskara

Jende ugari bildu da Baionan euskararen ofizialtasunaren alde

17:00ak aldera abiatu dira, Xaho kaitik. Irteeraren argazki bilduma. Euskararen Gizarte Erakundeen Kontseiluak eta Euskal Konfederazioak Deiadar manifestazioa antolatu dute, hizkuntza gutxituen eskubideak errespeta daitezen eskatzeko. Hainbat alderdi politiko, sindikatu, eragile eta elkartek egin dute bat deialdiarekin. Bideoa: manifestazioaren hasiera.

Euskararen Gizarte Erakundeen Kontseiluak eta Euskal Konfederazioak Deiadar manifestazioa antolatu dute Baionan, hizkuntza gutxituen eskubideak errespeta daitezen eskatzeko.

Berria -

2012ko martxoak 31

Ipar Euskal Herrian euskara hizkuntza ofiziala izan dadila eskatzeko jendetza bildu da Baionara. 17:00ak aldera abiatu da manifestazioa, Xaho kaitik, Gure hizkuntzak, eskubide bat, lege bat lelopean. Euskararen Gizarte Erakundeen Kontseiluak eta Euskal Konfederazioak Deiadar antolatu dute manifestazioa, eta Baionara biltzeko dei egin dute. Hainbat alderdi politiko, eragile, sindikatu eta elkartek egin dute bat deialdiarekin.

"Euskara berezkoa da bere lurraldean, eta, ondorioz, ofiziala behar du izan,  bai eta lehentasunezkoa eta ezagutu beharrekoa ere", adierazi zuen Paul Bilbao Kontseiluko idazkari nagusiak manifestazioaren aurkezpenean.

Ofizialtasuna eskatzeaz gain, Frantziako Estatuak Erregio edo Gutxiengoen Hizkuntzen Europako Ituna berrets dezala aldarrikatuko dute, "euskararen gisako lurralde hizkuntzak eremu publikoan ofizialki aitortuak izan daitezen". Hizkuntzen lege egokia bozkatua eta aplikatua izatea ere eskatuko dute.

Kontseiluak eta Euskal Konfederazioak diote Frantziako Senatuko hizkuntza gutxituen lege proposamena, nahikoa ez izateaz gain, euskararentzako "atzerapausoa" dela. Legea "interpretazioetara irekia" geratzen dela esan dute, eta horrek neurriak gutxitzeko aukera ematen duela.

Deialdia ez da Euskal Herrira mugatzen, hizkuntza gutxituak dituzten Frantziako herrialdeko beste tokietara ere zabaldu dutelako: Herrialde Katalanak, Kortsika, Bretaina, Okzitania eta Alsaziara.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna