François Hollande, murrizketak ez diren beste aukera

Mitterranden ondoren, Frantziako V. Errepublikako bigarren presidente sozialista izango da.

Berria -

2012ko maiatzak 6

François Hollanderen (Ruan, 1954) eskutik itzuliko da ezkerra Frantziako presidentetzara, 24 urte ondoren. 57 urte ditu, eta Frantziako V. Errepublikaren zortzigarren presidentea izango da, bigarren sozialista, François Mitterranden ostean. Hain zuzen, Mitterranden ekonomia kontseilaria izan zen Hollande, horren agintaldiaren azkenetan.

Zuzenbidean lizentziatua da Hollande. 1998tik 2008ra PSko idazkari nagusi izan zen, urte horretan Martine Aubreyk lekukoa hartu zion arte. Iaz PSko hautagaitzarako bozak irabazi zituen, eta Dominique Strauss-Kahnen eskandaluak ez zuen PSren garaipena zapuztu.

Lehen itzuliaren ondoren ezkerrak beretzat botoa eskatu zuen, eta azken egunetan baita François Bayrou MoDem alderdiko buruak ere. Angela Merkel eta Nicolas Sarkozyren murrizketen aurrean Europarako beste modelo baten ikur da, ongizatea eustearen aldekoena, eta Europan itxaropen asko daude jarrita beregan.

Errenta altuenentzat zergak igotzea babestu du, eta Euroguneko herrialdeek kalifikazio agentzia baten sorrera proposatu du. 60.000 irakasle kontratatzearen alde agertu da. Pertsona arruntatzat jotzen dute, eta Sarkozyren pertsonalismoaren aurrean, herritarrek balore hori ontzat jo dutela diote adituek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna