Sarkozy: "Nagusia izan naiz, eta galtzean erantzukizuna hartzen jakin behar dut"

 

Berria -

2012ko maiatzak 7

Nicolas Sarkozy hauteslekuak itxi eta berehala agertu da hedabideen aurrera Hollanderen garaipena onartzera, UMP alderdiak Parisen duen egoitzan. "Aro berri bat zabaltzen da gaur. Orain dela hamar urtetik, badira jada hamar, gobernu ardurak izan ditut; orain nire konpromisoa herrialdearekin bestelakoa izango da".

Egindako guztia frantziarrak babesteko asmoz egin duela esan du, "krisitik hobeto atera daitezen". Baina presidente izaten jarraitzeko babesa ez duela jaso aitortu du, eta erantzukizuna hartzea dagokiola: "Presidentea naiz, nagusia izan naiz, eta galtzen denean erantzukizuna hartzen jakin behar dut".

Eskertuta agertu da Sarkozy gaur jaso duen babesarekin. "Ezin izango dizuet sekula itzuli eman didazuen guztia", adierazi du. Inguruan nigarrez izan ditu bere jarraitzaileak. "Frantziarekiko are eta maitasun handiagorekin joango naiz".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna