hezkuntza

EHUk euskarazko 18 ikastaro sartu ditu udako eskaintzan

Ekainetik irailera bitarte 105 ikastaro eskainiko ditu. Gehienak Donostiako Miramar jauregian izango dira, baina Euskal Herriko beste hainbat herri eta hiritan ere antolatu dituzte jardunaldiak.

EHUko udako ikastaroen aurkezpena, Donostian.
EHUko udako ikastaroen aurkezpena, Donostian. Gari Garaialde / ARP

Berria

2012ko maiatzak 17

EHU Euskal Herriko Unibertsitateak guztira 105 ikastaro eskainiko ditu udan, horietatik 18 euskaraz. Gehienak Donostiako Miramar jauregian izango dira —han bertan aurkeztu dituzte ikastaroak gaur goizean—; hala ere, urtero bezala, ikastaro batzuk beste hainbat hiritan ere eskainiko dira. Ekainetik irailera arte parte hartu ahal izango da ikastaroetan, eta izena emateko epea zabalik dago jada.

Aurten, Gasteizko hiriburutza berdea aitzaki hartuta, hiri hondakinen inguruko ikastaroa antolatu dute han. Getariako Balentziaga museoan eta Azpeitiko Euskal Trenbidearen museoan ere izango dira jardunaldiak, baita Tolosan, Irunen eta Azkoitian ere.

Jose Luis Alvarez Santacristina Txelis ETAko kide ohiaren parte hartzearen berri ere eman dute: ekainaren 29an Perdonar para vivir hitzaldia eskainiko du.

Jose Luis de la Cuesta Arzamendi uda ikastaroetako zuzendariak goizeko ekitaldian azpimarratu du krisia izanda ere, aurrekontuari eustea lortu dutela.

Ikastaroen hasierako ekitaldia ekainaren 26an egingo dute, asteartearekin, 19:00etan, Miramar jauregian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna