GIMNASTIKA ARTISTIKOA

Gabrielle Douglasek hirugarrenez segidan eman die AEBei urrea

Gabrielle Douglas estatubatuarra da buruz buru urrezko domina bat irabazi duen lehen gimnasta beltza, 16 urterekin. Victoria Komova eta Aliya Mustafina errusiarrentzat izan dira zilarra eta brontzea.

Gabrielle Douglas, finalean.
Gabrielle Douglas, finalean.

Berria -

2012ko abuztuak 2

Gabrielle Douglas estatubatuarrak irabazi du urrea gimnastika artistikoko banakako proban. Victoria Komova errusiarrak lortu du zilarra, eta Aliya Mustafina herrikideak brontzea. Oso lehia estua izan dute Douglas eta Komovak; hiru hamarrenengatik irabazi du estatubatuarrak. Hala, buruz buru urrezko domina bat irabazi duen lehen gimnasta beltza da Douglas. 

Jauzian eta barran onena izan da 16 urteko gaztea, bigarren paraleloetan, eta laugarren zoruan. Saio biribila egin du, beraz. Bigarren urrea du jokootan, taldekako saioan irabazi zuen selekzioko kide izan baitzen.

AEBek hirugarren aldiz jarraian irabazi dute Olinpiar Jokoetako banakako saioa —2008an Nastia Liukin gailendu zen, Carly Patterson 2004an—. Joko hauen aurretik, 1984an lortu zuten urrea modalitate horretan: Mary Lou Rettonek irabazi zuen.

Sailkapena

1. Gabrielle Douglas (AEB). 62.322 puntu.
2. Victoria Komova (Errusia). 61.973.
3. Aliva Mustafina (Errusia). 59.566.
4. Alexandra Raisman (AEB). 59.566.
5. Sandra Raluca Izbasa (Errumania). 58.833.
Sailkapena osorik

Atzo gizonezkoetan Kohei Uchimura japoniarrak irabazi zuen urrea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna