DONOSTIAKO ZINEMALDIA

Tommy Lee Jones aktoreari emango diote hirugarren Donostia saria

Irailaren 28an jasoko du saria Texasko aktoreak, eta 'Hope Springs' lana aurkeztuko du, Zabaltegi Perlak sailean. Beste sarituak Ewan McGregor aktore eskoziarra eta Oliver Stone zinemagilea dira.

Tommy Lee Jones aktorea.
Tommy Lee Jones aktorea.

Berria -

2012ko abuztuak 30

Donostiako 60. Zinemaldiak Tommy Lee Jones aktoreari emango dio aurtengo hirugarren Donostia saria. Texasko aktorea 1970. urtean hasi zen aktore lanetan, Love Story fimean. Ordutik, lau hamarkada pasatu dira eta Tommy Lee Jonesek ibilbide bikaina osatzea lortu du. 

Egin duen azken lanean (Hope Springs), protagonista da, Meryl Streep ezagunarekin batera. Filma Donostiako Zinemaldiko Zabaltegi Perlak sailean aurkeztuko dute. Irailaren 28an jasoko du Donostia saria, bere ibilbide profesionalaren omenez. Donostia saria jasoko duten beste biak Ewan McGregor aktore eskoziarra eta Oliver Stone zinemagilea dira. Azken horrek 60. Zinemaldiko sari berezia jasoko du. 

Aurretik ere, saria ugari lortu ditu Lee Jonesek. 1994. urtean The Fugitive pelikulan egindako lanagatik, Jonesek bigarren mailako aktore onenaren Oscar saria eta Urrezko Globoa irabazi zituen. 2007an, In the Valley of Elah eta No Country for Old Men filmekin Oscar sarietarako izendatu zuten. Azkenean, No Country for Old Men filmean egindako protagonista lanagatik irabazi zuen saria.

1995ean, zuzendari gisa hasi zen lanean. 2005ean, The Three Burials of Melquiades Estrada pelikularen zuzendari, ekoizle eta protagonista izan zen. Filma Cannesko jaialdian lehiatu zen, eta hari esker, aktore onenaren saria irabazi zuen. Pantaila txikian ere arrakasta ugari izan ditu. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna