txirriNDULARITZA

Victor Cabedo Euskalteleko txirrindularia hil da, auto batek harrapatuta

Katalana zen, eta 23 urte zeuzkan. Almedijar-en (Castello, Herrialde Katalanak) izan du ezbeharra.

Cabedo —argazkian, ezkerrean— iazko azaroan Derion.
Cabedo —argazkian, ezkerrean— iazko azaroan Derion. / Monika del Valle/ARP

Berria -

2012ko irailak 19

Víctor Cabedo Euskaltel-Euskadiko txirrindularia hil da gaur, Almedijar-en (Castello, Herrialde Katalanak), entrenatzen ari zela auto batek harrapatuta, Miguel Madariaga taldeko managerrak jakinarazi duenez. Castelloko Onda herrikoa zen, eta 23 urte zituen.

Eguerdiko ordubiak baino zerbait lehenago izan du ezbeharra, Almedijar eta Ain artean. Auto batek jo ostean, amildegi batera erori da. Castelloko suhitzaileek jaso dute gorpua.

Cabedok amateur garaian Seguros Bilbao taldean korritu zuen, iaz profesionaletan Orbean, eta ondoren fitxatu zuen Euskaltelen.

Aurten, Italiako Giroan parte hartu du. Joan den urtean, Asturiasko Itzuliko etapa bat irabazi zuen.

Azkeneko aldiz Britainia Handiko Itzulian izan da, Euskaltelekin, duela egun batzuk.

1934tik 55 txirrindulari profesional hil dira errepide istripuan entrenatzen edo proba bat korritzen ari zirela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna