GIZARTEA

Haur jaio berri bat lapurtu du andre batek Donostian

Ordu bat geroago topatu ditu Donostiako Udaltzaingoak emakumea eta umea, egoera onean.

Berria -

2012ko irailak 25

Andre batek haur jaio berri bat eraman du Donostia Ospitaletik 06:30 aldera, umearen gurasoak lo zeuden bitartean. Amaren senidea zela esanez lortu zuen umearengana iristea eta hura eramatea. Taxi batean ihes egin du emakumeak, Herrera auzorantz.

Taxi gidariei abisua eman diete gertatutakoaz, eta taxian zela entzun du mezua haurrarekin ihes egin duen emakumeak. Abisua entzun bezain azkar jaitsi da andrea taxitik. Donostiako udaltzainek ordubetera topatu dituzte andrea eta jaio berria, egoera onean, udaletxetik gertu. Udaletxean bertan atzeman dute andrea.

Eusko Jaurlaritzako Osasun Sailak baieztatu du egoera onean zegoela haurra, eta emakumea sarri eraman behar izan dutela Donostia Ospitaleko psikiatria zerbitzura. Taxi gidariak ziurtatu duenez, uneoro ongi tratatu du andreak haurra: "Bere benetako ama zirudien".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna