MUNDUA

Mali iparraldean esku hartze militar bat egitea onartu du Nazio Batuen Erakundeak

45 egun baino lehen Azawad eremua militarki hartzeko plan bat aurkeztu beharko du Nazio Batuen Erakundeko idazkari nagusi Ban Ki-moonek.

Berria -

2012ko urriak 13

Mali iparraldean militarki esku harzea onartu zuen atzo, aho batez, Nazio Batuen Erakundeko Segurtasun Kontseiluak. Ebazpen bat onartu zuen, Maliko gobernu kolpistak tuareg milizianoen esku dagoen Azawad eremuaren kontrola berreskura dezan.

Indarkeria amaitzeko eskatu die Segurtasun Batzordeak tuaregei. Frantziak sustatu du ebazpena. Bertan, zera galdegiten die Segurtasun Kontseiluak Ban Ki-moon Nazio Batuen Erakundeko idazkari nagusiari eta Afrikako herrialdez gaindiko erakundeei: 45 egun baino lehen, presta dezala plan bat Mali Azawaden esku hartzeko.

Iragan irailean eskatu zion Maliko Gobernuak NBEri onar zezala ECOWAS Afrika Mendebaldeko Estatuen Ekonomia Komunitatearen esku hartzea. Gaur, ordea, Segurtasun Kontseiluak Ban Ki-mooni galdegin dio ECOWASen eta Afrikako Batasunaren esku jar ditzala estrategia militarreko zenbait aditu.

Maliko militarrek martxoan Amadou Toumani Toure presidente ohiaren kontrako estatu kolpea jo osteko nahasmena aprobetxatu zuen MNLA Azawadeko Nazioa Askatzeko Mugimenduak tuaregen lurraz jabetzeko. Lurralde horretan Al Quaeda errotzen ari delakoan, "erakunde terroristekiko loturak apurtzeko" eskatu die NBEk eremuaren kontrola dutenei.

Gaur bertan, milaka pertsona elkartu dira Bamakon, Maliko hiriburuan, nazioarteari esku hartze militar bat eskatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna