EUSKAL HERRIA

Txomin Ziluaga hil da

Ezker abertzaleko buruzagi historikoa gaur goizean hil da, erietxean.

Txomin Ziluaga eta Iñigo Iruin, Sortu legeztatu berritan /
Txomin Ziluaga eta Iñigo Iruin, Sortu legeztatu berritan / Jon Urbe/ARP

Berria -

2012ko urriak 24

Duela bi egun lurrera jausi, eta ospitalera eraman zuten. Ziluaga 1939an jaio zen, Erandion (Bizkaia). Frankismo garaian, 1969an, atxilotu, eta zazpi urte egin zituen kartzelan. 1976. urtean askatu zuten, amnistiarekin. HASI alderdiaren idazkari nagusia izan zen, baita Herri Batasunaren sortzaile eta mahai nazionaleko kidea ere. Zientzia Politikoko irakaslea izan da UNED unibertsitatean. 1978. urtean izendatu zuten HASIko idazkari nagusi, eta 1988an alderditik bereizi zen.

1986an Espainiako Kongresuko diputatu hautatu zuten, eta lehenago legebiltzarkide ere aukeratu zuten, nahiz eta bietan ez zuen bere lekua bete. Ezker abertzaleko belaunaldi historiko bateko partaide izan zen, besteak beste Iñigo Iruin, Telesforo Monzon, Jon Idigoras, Iñaki Esnaola eta Tasio Erkiziarekin lan eginez.

Hainbat urtetan ezker abertzalearen militantzia aktibotik aldenduta egon ondoren, parte hartze publikora itzuli zen 1990eko hamarkadaren bukaeran. 2000ko hamarkadan, erabakitzeko eskubideari buruzko artikuluak argitaratu zituen.

HASIren sorrera

Herri Alderdi Sozialista Iraultzailearen sorrerari lotuta dago Ziluagaren figura. 1977ko uztailaren 3an sortu zuten alderdia, Aretxabaletan (Gipuzkoa), Euskal Herriko Alderdi Sozialistak (EHAS) eta Eusko Sozialistek (ES) bat eginda. Bilkura hartan, Alberto Figueroa izendatu zuten idazkari nagusi, eta Santi Brouard ordezkari orokor. Zuzendaritzako kideetako bat izan zen Ziluaga, besteak beste Patxi Zabaletarekin batera.

1978ko irailean egin zuten lehen kongresuaren bigarren fasea, Lekeition (Bizkaia), eta bertan Brouard izendatu zuten HASIko presidente, eta Ziluaga idazkari nagusi.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna