Bizkaiko Stop Kaleratzeak elkarteak kritikatu egin du Espainiako Gobernuak etxe desjabetzeei buruz gaur onartutako dekretua, uste baitu neurri horrek ez duela "ezertarako" balioko. Elkartearen Bizkaiko ordezkari Marta Uriarteren esanetan, dekretuak "kolektibo asko" utziko ditu babesik gabe.
Hipoteken Legea eta Prozedura Zibilaren Legea moldatzeko eskatu du Uriartek, lege "zeharo bidegabeak eta arkaikoak" direlakoan. Hortaz, Stop Kaleratzeak taldeak iragarri du bere jardunean jarraituko duela.
