EUSKAL HERRIA

Alkatea aldatuko dute Trebiñun, independenteek eta Bilduk bat eginda

PPko alkatearen aurkako zentsura mozio bat aurkeztu dute independenteek, eta aurrera atera da, Bilduren babesari esker. Trebiñu Arabarekin batzearen aldekoa da herri plataforma.

Trebiñu
Trebiñu / BERRIA

Berria -

2012ko abenduak 1

Trebiñuko bi plataforma independenteetako zinegotziek eta Biduk zentsura mozio bat onartu dute, Inmaculada Ranedo alkatea kargutik kentzeko. PPkoa da Ranedo, eta Ignacio Portilla plataforma independenteetako baten zinegotzia izango da alkate berria.

Bina zinegotzi dituzte bi talde independenteek, hiru PPk eta bana EAJk eta Bilduk. Udalbatzaren gehiengo osoa behar zuten mozioak aurrera egiteko, eta Bilduren ordezkariak eman die plataformei gehiengo absolutua. EAJ izan da zentsura mozioarekin bat egin ez duen talde bakarra, eta Bilduk jakinarazi du ez dela udal gobernuaren parte izango. Abenduaren 14an izendatuko dute alkate berria.

Trebiñu Arabako parte izatearen aldekoa da alkatetza eskuratuko duen plataforma.



 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna