Pilota

Jon Jaunarenak irabazi du Bigarren Mailako lau t'erdikoa

Leitzarrak kostata irabazi dio Alvaro Untoriari finalean (22-20), eta urteko hirugarren txapela jantzi du.

Imanol Magro -

2012ko abenduak 8

Jon Jaunarenak 22-20 irabazi dio Alvaro Untoriari 2. Mailako finalean, eta heldu den urtean Lehen Mailakoa jokatzeko eskubidea lortu du. Partida estua jokatu dute Iruñeko Labrit pilotalekuan, entretenigarria. Joko klasikoa egin dute, eta txapelduna ia partida guztian joan den arren, Untoriak ez du amore eman. Jaunarena 7-0 aurreratu da lehenbizi, baina Untoriak tartea jan (9-7) eta partida berdintzea lortu du (11-11). Hiru berdinketa egon dira gero, 14nakora arte, Jaunarenak, sakeari esker, berriz ere aldea ireki aurretik (21-17). Untoria gerturatu da (21-20), baina alferrikako ahalegina izan da. 

Jaunarenak urte bikaina egin du, 2. Mailako hiru txapelak irabazi baititu: binakakoa Ceciliorekin, buruz burukoa Ezkurdiaren aurka, eta azkenik, gaurkoa. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna