Euskal Herria esnea

Euskal Herria Esnearen kontrako prozedura zigortzailea bertan behera uzteko eskatu diote Iñigo Urkulluri

4000 euroko isuna jarri die Eusko Jaurlaritzak, produktuak euskara hutsez etiketatzea arau hauste larritzat jo duelako.

Nagore Ares Amaya -

2012ko abenduak 14

Esnea Espainian ontziratzen denez, etiketak gazteleraz egon behar dutela dio ebazpenak. Bi asteko epea izango dute alegazioak aurkezteko. Azken erabakia gobernu berriaren esku egongo da.

Iñigo Santxo abokatuak azaldu duenez, Jaurlaritzaren egin duen legearen interpretazioa “txarra, gaiztoa eta fede txarrekoa” da. Izan ere, produktua kontsumitzaile euskaldunei zuzentzen zaien neurrian, etiketatze legea betetzen duela azpimarratu du. “Ez da kontsumitzailerik kaltetua izango, Euskal Herria esnea euskaldunengana zuzentzen du bere produktua eta euskaldunak badaki zer den. Eta euskalduna ez denak oso erreza dauka beste bat hartzea, merkatua anitza delako”. Hala izanik, legearen baldintza materiala betetzen dela argitu du.

Hori dela eta, Urkulluri eskatu diote “euskaldunen aldeko interpretazioa” egin dezan eta prozedura eta isuna bertan behera utz ditzan. Estitxu Garai Euskal Herria Esneako prentsa arduradunak azaldu duenez, ebazpenak euskara soilez etiketatzeko debekua ezartzen du.

Eusko Jaurlaritzak iraila hasieran abiatu zuen prozedura, Kaiku enpresaren salaketa bat izan zela medio.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna