HONDAKINAK

Itxialdi bat hasi dute Olatzagutiko Portlanden hondakinak erretzearen aurka

Atzo hasi zuten protesta hainbat gaztek, eta eraikinetik zintzilikatuta egongo dira astelehenera bitartean.

Gazteak, eraikinean.
Gazteak, eraikinean. / Berria

Berria -

2012ko abenduak 28

Altsasuko hainbat gazte eraikin batetik zintzilikatu ziren atzo, Olatzagutiko Cementos Portland enpresan hondakinak erretzearen aurka. Gizartea ohartarazi nahi dute "Nafarroan egin daitekeen basakeriarik handienaren inguruan", Hiru Mugak Batera elkarteak jakinarazi duenez.

"Guztion artean galarazten ez badugu, hondakinak erretzeari ekingo dio, UPNren gobernuaren onespena jasota", azaldu du elkarteak. Gazteak astelehenera arte izango dira zintzilik. "Arrazionaltasun aldarria egin nahi dugu, eta eskatzen dugu ez emateko baimenik beste eskualde batzuetan baztertu dena hemen egiteko, gizakion osasunerako arriskutsua delako eta aberastasun eta enplegu galera ekarriko lukeelako", adierazi du.

Inguruko herritarren eta animalien osasunari eta Urdalurko urtegiari kalte egingo die hondakinak errausteak, elkartearen esanetan. Gainera, salatu du milaka herritarrek egin dutela egitasmoaren aurka.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna