Politika

Nafarroa larrialdi egoeran dagoela eta, aldaketa politikoan laguntzeko prest da EH Bildu

Nafarroako egoeraren diagnosia egiten ari da EH Bildu eta herrialdea larrialde egoeran dagoela ondorioztatu du. Larrialdi egoera horretatik ateratzeko aldaketa politikoa beharrezkoa deritzo eta lan horretan laguntzeko eta ideiak proposatzeko prest agertu da koalizioa. Lan horretan gizartearen parte hartzea ere eskatu du.

Berria.info -

2013ko urtarrilak 19

Nafarroako errealitate politiko, sozial eta ekonomikoaren diagnosia egiten hasi zen duela bi hilabete EH Bildu koalizioa, eta eztabaida horren lehen diagnosia aurkeztu die gaur herrialdeko hainbat eragileri Iruñeko hotel batean egindako bileran. Diagnosiaren ondorio nagusiena Nafarroa egoera larrian dagoela antzematea izan da, eta egoera hori iraultzeko sektore ezberdinen arteko elkarlana eta ideien trukaketa proposatzen du EH Bilduk.

Ekitaldian sektore ezberdinetan lanean ari diren 50 talde eta elkarteetako ordezkariak bildu dira, orotara laurogei lagun. Hezkuntza, kultura, komunikabideak, sindikalgintza edota herri mugimenduetako lagunak izan dira bileran. "Bizi dugun egoera larriak akordio ausartak eta guztien artean hartutakoak behar ditu. Nafarroako Gobernuak eta bere ondokoek jendearen lehentasunak ahaztu dituzte", esan du Mikel Sotok aurkezpenean. EH Bilduren ustez, Gobernuak gizartearen "lehentasunak ahaztu eta egiten duen kudeaketari buruz inolako azalpenik ematen ez duen gotortutako Gobernu bat bihurtu da".

Egoeraren aurrean, egindako lehen diagnosiari ekarpen berriak egiteko ideia egin die herritarrei EH Bilduk. Diagnosiaren behin betiko proposamenak otsailaren 9an aurkeztuko dira Artikan, eta, hortik aurrera, sektoreka bilduko dituzten proposamenak egiteko tenorea iritsiko da, eztabaidaren bigarren fasea, alegia.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna