HEDABIDEAK

Irrati lizentzien banaketa ez du berrikusiko Nafarroako Gobernuak

Euskalerria irratiak egindako eskariari bizkar eman dio Sanchez de Muniain kontseilariak, eta baliozkotzat jo du ebazpena. Azaldu du Euskalerria Irratiak Euskadi Irratiarekin konektatu asmo zuela eta hori legez kanpokoa dela.

Berria -

2013ko otsailak 20

Euskalerria Irratiak atzo eskatu zion gobernuari lizentziak banatzeko prozesua eteteko. Juan Luis Sanchez de Muniain Kultura kontseilariari galdera egin diote gaur eskari horren inguruan, eta ezezko erantzuna eman du: "Ez dugu asmorik berriskupena egiteko, eta are gutxiago lehiakideetako batek eskatu duelako". Azaldu du epaimahaiak erabakitakoa bere egin duela gobernuak eta horren araberakoa izango dela azken ebazpena.

Iruñerriko euskarazko irratiak salatu zuen puntuaziorik gabe utzi dutela lehiaketako atal batzuetan. Sanchez de Muniainek erantzun du ezetz, eta azalpena eman du: Euskalerria Irratiaren asmoa zen Euskadi Irratiarekin konektatzea zenbait ordutarako, eta hori, gobernuaren iritzian, "legez kanpokoa eta lehiaketaren oinarrien aurkakoa" da. 

Epaimahaiaren ebazpena ontzat jota, Iruñeko gobernuak jakinarazi du aurki onartuko duela foru arau bat irrati lizentzien behin betiko banaketa egiteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna