Donostiako epaitegi batek ebatzi du Oriok (Gipuzkoa) Espainiako bandera jarri beharko duela udaletxearen kanpoaldean, baita bilera aretoan ere. Efe agentziak eman du berria gaur.
2012ko maiatzean eskatu zioten udalari bandera jartzeko, eta orduan udaleko ordezkariek azaldu zuten euren asmoa ez zela "legedia urratzea", eta hasi zituztela hori jartzeko tramiteak.
Dena den, epaileak dio banderak hilaren 19an jarri gabe jarraitzen zuela, agindu ziotenetik zortzi hilabete baino gehiago igaro badira ere.
Oriok erabakiari helegitea jar diezaioke.
