ENPRESAK

561 milioi euroren isuna ezarri dio EBk Microsofti

Windows sistema operatiboak nabigatzaile desberdinak eskaintzeko konpromisoa ez betetzeagatik zigortu du Bruselak.

Iker Aranburu -

2013ko martxoak 6

Joaquin Almunia Lehiarako komisarioak argudiatu duenez, isunarekin etsenplua eman nahi du Europako Batzordeak; izan ere, aurreko zigor batzuren ondoren, Microsoftek agindu zuen Windowsekin batera Internet Explorer bere nabigaitzailea ez beste batzuk ere eskainiko zituela. 2011ko maiatzaren eta 2012ko uztailaren artean, ordea, ez zuen halakorik egin, "arazo tekniko batengatik", AEBetako konpainiak argudiatu duenez. Batzordeak ontzat hartu du azalpena, eta horregatik erabaki du isuna txikia izateak monopolioen aurkako arauak uzten dionaren aldean —2012ko diru sarreren %10 artekoa, 4.000 milioi euro—. 

Laugarren aldia da EBk Bill Gatesen enpresa zigortzen duela. 2004an 497 milioi euroren isuna ezarri zion, bere lehiakideei trabak jartzen zizkielako Windowserako produktu alternatiboak garatzeko. Arrazoi horregatik ere 280,5 milioi euroren beste isun bat iritsi zitzaion Microsofti 2006an. 2008ko otsailean, berriz, 899 milioi euroren isuna ezarri zion, gehiegizko tarifak ezartzen zizkielako Windows sistemarentzat programak garatu nahi zituzten enpresei. Ekainean, EBko Auzitegi Nagusiak 860 milioi eurora jaitsi zuen isuna.  

 

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna