euskal herria

EH Bildu: "Onartezina da oraindik ere 'Cabacas auzian' erantzuleak zein diren argitu ez izana"

Koalizioak EAJri eskatu dio duela urtebete Jaurlaritzak "ustez" abiaturiko ikerketa "bururaino eramateko".

Berria -

2013ko apirilak 2

Iñigo Cabacas gaztearen heriotzaren urteurrenean, koalizioak gaitzetsi du oraingoz auzipetu bakarrak Iñigo Cabacasen hilketa salatzeko ustez protestetan parte hartu zuten gazte batzuk direla. EH Bilduk EAJri eskatu dio duela urtebete Jaurlaritzako Barne Sailak "ustez" abiaturiko ikerketa "bururaino eramateko". Zehazki, Estefania Beltran de Heredia Eusko Jaurlaritzako Segurtasun sailburuari eskatu dio "arduraz jokatzeko", eta "beharrezkoak diren pausoak" emateko, erantzuleak nor diren "behingoz" argitzeko.

Horrekin batera, Fiskaltzari "ausart" jokatzeko deia egin dio, Cabacasen hilketaren "konplize ez bihurtzeko". Koalizioak adierazi du Eusko Legebiltzarrean nahiz hortik kanpo lanean jarraituko duela auzia "erabat" argitu arte.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna