EUSKARA

Hedabideetarako laguntzei eutsi die Jaurlaritzak, eta beste atalak jaitsi egin ditu

IKTetarako laguntzetan izango da murrizketa handiena, %45ekoa. Euskalgintzarako atalean, LanHitz deialdian eta Euskara Biziberritzeko Plan Nagusirako laguntzetan %15ekoa da jaitsiera.

Garikoitz Goikoetxea (Donostia) -

2013ko maiatzak 6

Eusko Jaurlaritzak iazko diru kopuru bera emango die laguntzatan euskarazko hedabideei: 4.875.000 euro. Hizkuntza Politikarako sailburuordetzak ematen dituen deialdietan zati handiena du hedabideenak —euskaltegiena aparte joaten da—, eta «lehentasun nabarmena» eman nahi izan diote, Patxi Baztarrika sailburuordearen hitzetan. Kontuan izatekoa da, hala ere, mozketak iaz egin zituela Jaurlaritzak atal horretan; %11 jaitsi zituen laguntzak.

Beste laguntza batzuetan badira murrizketak iazko deialdiekin alderatuta. %15 inguruko jaitsiera dago euskalgintza delako deialdian —gizarte bizitzan euskararen erabilera indartzeko ekimenei ematen dizkiete laguntzak horren bidez—, LanHitz programan —enpresetan euskararen presentzia areagotzeko da—, eta EBPN Euskara Biziberritzeko Plan Nagusia garatzeko laguntzetan. Hona, dirutan: Euskalgintza zatira 979.200 bideratuko dituzte, iaz baino 172.800 gutxiago; LanHitz-era, 1.944.800 euro, iaz baino 340.200 gutxiago; eta EBPNko ekintzetara 1.385.000, aurreko urtean baino 245.000 gutxiago.

Horiek baino murrizketa handiagoa dute IKT informazioaren eta komunikazioaren teknologietarako laguntzek: %45 gutxitu dute dirua deialdi horretan. Baztarrikak azaldu du inbertsio gisara joaten direla IKTetako proiektu ugari, eta Jaurlaritzak berak esana duela inbertsioetan jaitsiera izango zela. Dirutan, IKTen deialdiak 807.500 euro izango ditu, iaz baino 656.700 gutxiago.

Laguntzetarako deialdia gaur bertan argitaratu du EAEko aldizkari ofizialak, eta ekainaren 6ra arteko epea jarri dute aurkezteko. Deialdiak urte hasieran egiteko eskatua zuten elkarteek aspaldian, urterako aurreikuspenak egite aldera. Jaurlaritzak hitzeman du datozen urteetan hasieran egingo dituela deialdiak.Eusko Jaurlaritzak iazko diru kopuru bera emango die laguntzatan euskarazko hedabideei: 4.875.000 euro. Hizkuntza Politikarako sailburuordetzak ematen dituen deialdietan zati handiena du  hedabideenak —euskaltegiena aparte joaten da—, eta «lehentasun nabarmena» eman nahi izan diote, Patxi Baztarrika sailburuordearen hitzetan. Kontuan izatekoa da, hala ere, mozketak iaz egin zituela Jaurlaritzak atal horretan; %11 jaitsi zituen laguntzak.

Beste laguntza batzuetan badira murrizketak iazko deialdiekin alderatuta. %15 inguruko jaitsiera dago euskalgintza delako deialdian —gizarte bizitzan euskararen erabilera indartzeko ekimenei ematen dizkiete laguntzak horren bidez—, LanHitz programan —enpresetan euskararen presentzia areagotzeko da—, eta EBPN Euskara Biziberritzeko Plan Nagusia garatzeko laguntzetan. Hona, dirutan: Euskalgintza zatira 979.200 bideratuko dituzte, iaz baino 172.800 gutxiago; LanHitz-era, 1.944.800 euro, iaz baino 340.200 gutxiago; eta EBPNko ekintzetara 1.385.000, aurreko urtean baino 245.000 gutxiago.

Horiek baino murrizketa handiagoa dute IKT informazioaren eta komunikazioaren teknologietarako laguntzek: %45 gutxitu dute dirua deialdi horretan. Baztarrikak azaldu du inbertsio gisara joaten direla IKTetako proiektu ugari, eta Jaurlaritzak berak esana duela inbertsioetan jaitsiera izango zela. Dirutan, IKTen deialdiak 807.500 euro izango ditu, iaz baino 656.700 gutxiago.

Laguntzetarako deialdia gaur bertan argitaratu du EAEko aldizkari ofizialak, eta ekainaren 6ra arteko epea jarri dute aurkezteko. Deialdiak urte hasieran egiteko eskatua zuten elkarteek aspaldian, urterako aurreikuspenak egite aldera. Jaurlaritzak hitzeman du datozen urteetan hasieran egingo dituela deialdiak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen protesta, gaur, Donostiako Amara Berriko lehen arretarako zentroan. ©Gorka Rubio / FOKU

«Sakoneko arazoei heltzeko» eskatu diote sindikatuek Osakidetzari

Maddi Ane Txoperena Iribarren

Azken urteotako murrizketek «osasun publikoaren ahultze kezkagarria» ekarri dutela salatu dute SATSE, ELA, LAB, SME, CCOO, UGT eta ESK sindikatuek lehen arretako zentroetan egindako protestetan. Eusko Jaurlaritzako Osasun Sailak eta Osakidetzak erantzun diete osasun publikoa «sendotzeko konpromisoa benetakoa eta erabatekoa» dutela.

PCR probak, Gurutzetako ospitalean. ©Luis Jauregialtzo, FOKU

Gutxitu egin dira egun bakarrean atzemandako kasuak

Uxue Rey Gorraiz

Beste 793 positibo detektatu dituzte Hegoaldean, aurreko egunean baino 14 gutxiago. Ospitaleratzeek ere behera egin dute: 56 gaixo erietxeratu dituzte azken egunean. Hiru gaixo zendu dira, Nafarroan.

Ikasgela huts bat, artxiboko irudi batean. ©Jon Urbe, FOKU

Jaurlaritzak 80 ikasgela itxi ditu egun bakarrean

Uxue Rey Gorraiz

172 ikasgela daude itxita Araban, Gipuzkoan eta Bizkaian. Guztira 111 ikastetxetan dute eragina itxiera horiek.

Mekanikari bat lanean, iragan apirileko irudi batean. ©Jon Urbe / FOKU

Ekonomia %19,5 jaitsi da bigarren hiruhilekoan, aurreikusi baino pixka bat gutxiago

Imanol Magro Eizmendi

Langabezia datuetan ere arindu egin dira uztailean eginiko aurreikuspenak: %17,2 izan zen tasa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna