Hilberria

Jorge Videla diktadorea hil da

Jorge Rafael Videla hil da, 87 urterekin. Argentinako diktadore izan zen 1976 eta 1981 artean. Argentinak urterik beltzenak bizi izan zituen Videlak gidatutako Junta Militarraren pean, eta haren agintaldian 30.000 lagun desagertu ziren, giza eskubideen aldeko elkarteen arabera.

Jorge Videla.
Jorge Videla. / BERRIA

Berria.info -

2013ko maiatzak 17

Videlari bizi guztiko kartzela zigorra ezarri zioten 1985ean estatu terrorismoagatik, baina Carlos Menem presidenteak indultua eman zion 1990ean. Haur lapurtuen auziagatik, 1998an berriro kartzelara sartu zuten, baina hilabetera etxeko espetxealdia onartu zioten. Nestor Kirchnerren agintaldian barkamen legeak indargabetu eta indultuak bertan behera utzi ondoren, 2008an sarrarazi zuten berriro espetxean, eta 2010ean bizi guztiko bigarren zigorra ezarri zioten, gizateriaren aurkako krimenengatik.

Hil denean, Condor operazioagatik epaitzen ari ziren Videla Argentinan. Inoiz ez du onartu auzitegien zilegitasuna, eta de facto presidente izan zen garaiko krimenen biktimak "terrorearen militanteak" zirela argudiatu izan du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna